Upna leh Lam etna kip ~ Pau Do Lian

Upna leh Lam etna kip ~ Pau Do Lian

December 4, 1982 in Australia ah Nick vujicic, khutleh khe neilo (arms & Legs) in suak hi. Nurseten’ atawi’ apan’ amuhciang lungkham lua in ekbuksungah tai-in valua lianghi. Sang hongkah ciang minsimmawh in zineithei lodingpa, cin miko hi. Kum 8 aphakciang keihangin kanu leh kapa vangiklua cin’ amah leh amah tuisung ahkithah sawm hi. Nikhat anun’ zato ah apaipihlai takin midang khutkitan khatmu a tuaciangin leitungah keibek hikiang ey cin themkhat hanciam nopna hong nei hi. Apa in kata pa aw nahoih lua hi ci-in asuah akipan in thapia den hi.

Zeisu gumpa in sangkhin ahihman in anuntakna genzawhloh in hongkikhel a, kum 8lai lungkham lua a’ amah leh amah kithahsawm Nick pen leitungah a lungnuam pen hong suak in upna leh lam etna bulphuh a asepkhiat hibang ahi hi.

Zihoih mahmah khat leh ta nih nei in, aneu lai miko na’ (zi lehta nei lecin bangci kawiding) panin tun azi leh ataten amahkawi in ama kawi kul lo hi. Leitung gam 48 ah zinkhin in, mi 500 million mai ah thugen khin hi. Vangleng (flight) 125 vaivei tuangkhin a, kumpi 8 tawh maitang kituah in thugen khin hi.

Khutnei lo himah leh, short movie azaih na vuah best actor award ngah hi. Khut neikei mahleh Laibu 2 gelhkhin a, khatpen kampau nam 30 val in kilet in, bu 800,000 kizuakzo hi. Organization lian mahmah 2 nei in leitung muntuamtuam ah thugen dingin kisam ziahziah hi. Amah pen motivational speaker (lunglawpsak thugensiam) mi hi a, thongsung cihkhawng ah kinaksap mahmah hi. Nikhat mihau billionaire khat in huhna ngen hi. Kata nu sangah minsim mawh in nasa lua ahihman in an anekloh kha3 hita a zato ah lumhi.

Alungkim theih nadingin bangci dingka hiam hong huh in, ci in khutkim khekim mihau billionaire khatin khutnei lo, khenei lopa kiangah huhna vangen hi. Athubul phuhpen asuah tunga mittaw pathu ahi hi. “Mittawpa adingin Pasian ngimna nei ahihleh keidingin zong ngimna lianpi nei hi” ahi hi.

Related: Khuak hoih sang hanciamna hoihzaw ~ Jeffrey Pau Do Lian

Nasungah hongbawlpa a omlam natheih nakei leh nang bang ngimna tawh hongbawl hiamcih theilo ding hiteh… hongbawlpa in nang adingin ngimna lianpi khatnei hi. Khutnei kheneilo pa adingin ngimna lian nei ahihleh nangleh kei khutleh khekim ahihman in Zeisu in nanga dingin ngimna lianpi khatnei hi. Tua ngimna pen hongbawlpa in thei ahihman in amahdong ni. Jeffrey Lian