Nisim Nang ong nusialo khat om (Christmas Message)

Nisim Nang ong nusialo khat om (Christmas Message)

Ongnusia ngeilo – Pil ing, Hau ing, Thei ing nacih hang mi nahuh zawh sung bek nahuh ten ong it ding a, huhna kisam tebek in ong it pak lelding uhhi. Huhna akisap nawnloh uhciang thu in ongsimnawnlo lel ding uha khasia lel ding hiteh

Mi nahuh zawh sung, Sum le paai naneih sung leengla hauding ci a, bangmah naneih huhna nakisap ciang uipi zong ongkuadaak lo lelding hi.

Na it peen te leh Na Muan peen te nangawn in Khialhna diktatlohna khatpeuh naneih ciang onghopih nuamlo ding uha, ong kimuhkhemmawh bawl lelding uhhi.

Na it mahmah nasa na ngawn na atkhiat ngam nalawm it peen tezong amatung ah gamta khial lecin amit tawh zong ong en nuamlo kituak ding nangawn ongpeel lelding uhhi.

Nadik loh pipi nahoih lohpipi mah thei in nanop sak hun leh nacih mawh laaitak nakiang ah ongkhawlden
Na it peen te leh Na sanggam laaizom te na ngawn in ongpaampaih laaitak onglaainat in ongzong den,

Nalawm nagual ten ongkimuhmawh bawl in ongpelh laitak na omna lam ah lainatna tawh ongpawlbawl den

Nalungleen nadah nakah laaitak ongthuakpih in Dawi Mangpa khutsung natun khakding patau in ongvil tawntung

Amah nalangbawl a, agaalpa nahih laitak nangawn in itna tawh ongpom a ongpawlbawl veve,

Guallel thaneem zawngkhal bangmah neilo kisa thaneem in na omlaaitak in gualzawhna,Thahaatna leh hauhna tawh ongzui den

Daupai kisalo,, Dam kisalo, Leiba haulua in nalungkham laaitak Daupaina, Hauhna Cidamna ongpia nuam tawntung khat om a,tua in tuni a asuak Zeisu hi.

Luka 2:11 ( Zeisu suak ta)
Jerimiah 33:3 ( Nasap leh ongdawng kik ding)
Matte 11:28-30 ( Vangik pua a gimmi te Zeisu in ongsam) Topa’ Thupha maw leh, Khawm Pau