17.11.2014 Tuni leitung thuthang te
IS TE IN MI NGAWNG TAN SAK LEULEU – IS te in Syria galkap te leh U.S gam Mi Syria gam a huhna pia Peter Kassig ngawng tan sak uhhi.Hih mi 12 te muh thei ding inSundayni in internet ah video in koih uhhi.Maituan sa a om khat in amaute ngawng atan sak ma in Obama theih ding in thu gen a,Koh te in Bashar galkap te that uh a, zing in U.S gal kap te ka that ding uhhi.Pasian in anunung leh atawpna Crusade do ding in hong phal hi ci in gen hi.Hih lak ah athat uh Peter Kassig pen nung kum in Syria gam pan athat uh hi in,Iraq gam a U.S gal do in om ngei hi.Peter Kassig pen Muslim biak na a lut sak in, ahih hang asih leh sih loh thu kician in kithei taktak nai lo hi.
UKRAIN VAI
Ukrain kumpi lang do te huhna piakna hang in nitumna gam te ii khaktanna neihna pen Russia te ading in sukha mahmah hi ci in G.20 thukikupna ah Obama in gen hi.Tua ban ah nitumna gam te in akisap leh kidona khawl thei na ding in Russia President Putin zong aki hel dong sepkhawm ding in zawm ding ci in gen hi.Ukrian kumpi te in Russia deih thau tawi te gamtat na te do kik ding in kipan uhhi.
IS TE MI NGAWNG TANSAK PA LIAM
British Daily Mail ii gen na ah nung kal a,Iraq gam sak lam a thu kikupna neih sim na mun U.S te in vanlam pan a kapna hang in mi ngawng tansak Jahadish John liam ci hi.Hih van lam pan in kap na ah galkap mang 10 si in, mi 40 liam cihi.John pen liam hi ci in khua tual mi nurse khat in gen hi.Tua ban ah apwl makai pi uh ahi Abukar Al-Baghadi zong liam hi ci in kigen hi.
BOMB PUAK KHAM
Nov.16 ni n Afghanistan gam Kabul khua pi ah Afghan lawmaker te tuan na mawtaw sihpih bomb tawh sim na hang in mi 3 si in,mi 22 liam hi.Hih bomb tawh simna pen numei MP ahi Barazai ngiin in puakkham sak ahih hang PM nu pen si lo in, tawn liamna ngah hi.Barakzai pen numei te a diung in suaktakna nasem khat hi.Afghannist kumpi langdo te in kumpina sem numei te te sim thei zel uhhi.
G.20 AH UTHEIN SEIN
Kawlgam kumpi UThei Sein in Augstralia gam Bribanes khuapi ah Nov.15 ni akipan G.20 thukikupna ah akhatvei na ding in kah thei in thukikup pih hi.Athu sung te in Asean gam in mi awm 609 om in nek leh dawm zong na van lei vanzuakna bawlna mun pi hong hi ta in,mun tuam tek pan a van bawlkhiat man pen US$2.5 trilion om in,maikum ah gamtek pan sep khiat na ding ding ah khan to ding cih G.20 thukikup khen(1)na leitung ah sep leh bawl sum lehpaii zong na lamsang na te kikupna ah gen hi.Tua ban ah Khangno te nathak bawk khia te ahih theih na ding in panpih un cih thu zong kuppih hi. Ref: 7day daily, j.online news, afp, aljazeera, voa. Cin Ngaih
Comment piaknop aomleh...