Video: Unau numei nih inndawl 5 na panin anih un lengkhia in sipah
Indonesia gamsung ah unau numei nih inndawl 5 na panin khatkhitkhat tuaksuk in anih un ki sihbawl uh cih Jakarta Post pan kiza hi. West Java, Bandung khuasung aom Gateway Apartment ii inndawl 5 na panin Monday ni sunlam in alengkhia uh ahihi.
Amasa in khat lengkhia masa in tuaciang in mipi te’n a et ngeingai laitak in, adangkhat lengkhiading in kithawi leuleu ahih manin mipi te’n Video zaihngeingai uhhi. Tua Video Clip te Social Media tungah ki thehzakpah zihziah in, mulkimhuai khasiat huai mahmah hi.
Inndawl 5 “fifth floor” ii apualam taangban ihcih Balcony Rail tungah kahto masa in, tuapan in alengsuk uh ahihih. Amasa in a upazaw kum 34 aphakhin a unu lengkhia masa hi. Tuakhit ciangin anauzaw kum 28 aphakhin pen lengsuk leuleu hi.
Hihbang in a unau in aki sihbawl “Suicide” mawk uhtawh kisai in Police te’n asanggam pasal kum 39 aphakhinpa thu dong uhhi. A upa genna ah hih asanggam numei nihte pen abeisa kum 8 hunbawl akipan lungsim cidamlo “psychological disorders” uh cimawk hi.
Abeisa tawlkhat sungzong Bogor khuasung aom Penuai Indonesia Foundation kici “mental health clinic” khatah akibawlzel uh cihi.
Bandung Police chief Sr. Comr. Hendro Pandowo in agenkhiatna ah anu uh asihzawh 2006 kum akipan hih numei nihte pen lungsim sukhalua hiam, Mental health problem nei uh cimawk hi.
Hih unau numei nihte atuahsukma in amukha Witness khatin agenna ah anih un lungkiattuak mahmah uh cihi.
Inndawl 5 napan in alengsuk uh himawk ahih manin anih un alu akhe cihte liamgawp cihi. Akhut te uhzong kitan cihi.
A luanghawm tepen Sartika Asih Hospital ah Postmortem bawlding in kipuak cih kiza hi.
More: Sangnaupang numei kum 16 aphakhin khat amahleh amah ki khailum
Hih unau numei nihte aki sihbawl madeuh azanni Sunday ni inzong Indonesia gamsung mahah numei High School sangnaupang kum 16 aphapan khat amahleh amah ki khailum cimawk hi.
Comment piaknop aomleh...