Ulian Kam-uih

Ulian Kam-uih

Mizote in sianthona lamah mai a nawt laitakin kumpi, Pawlpi leh nainganzi (politik) lama za lian pipite a kam uh uih a, amau leh amau kithei khol lo uh hi. Kam sung pana hu uih (holitosis) a omsak za pai 85-90(85-90%) pen kam sung panin hong piangtawm ahi hi. Gam khangto-ah ha lam siavuan (dentist)te kiangah a ki-ensak tampite a kam uh a uih mana ki-ensak ahi uh hi.

Biakinn-ah i kikhop ciangin kam uihte tawh tutkhawm pen gimhuai mahmah hi. Meh gim pha zek a meh ni, tep le muan ahih khit ciangin a kiang uah tu lehang a paukhiat uh ciangin a kam uh panin hu gim namsia (uih) i nak in za a, luak suak zo mai hi.

Mi kizen mahmah, lim takin a kizem zitzet ìhi ci zaw lehî cih nading zong a om khol lote, a pau uh ciang a kam uh panin hu uih pipi a pusuak pen kilawm lo hi.

Kam sungah hik (bacteria) 600 khawng om thei a, tuate laka pawlkhatte in ìkam uh a piangsak lei (tongue) bul lamah om hiî ci uh hi.

Kam-uih a bei nadingin bang cih ding?

1. An nek khit sialin haza (toothpaste) tawh ha nawt zel ding hi.
2. Nitak lup ma leh zing thawn khit sialin haza tawh ha nawt zel ding hi.
3. An nek khit sialin ha kala an neng omte lakhia zel ding hi.
4. Kam-uihte in kam khuahna (mouth spray, mouth wash) zang zel ding hi.

Kum 1996 in International Society for Breath Odor Research (ISBOR) kiphuankhin a, 2009 kumin kam-uih tawh kisai thusinna khawmpi a 8veina Germany gam Dortmunt khua-ah om hi.

I kam a uih leh uihloh i theih theihna khat in, na khut bom a tung lam na lei tawh liak kawt inla, a keu ciang nam leteh, a uih leh na kam uih hi cih kitheihna ahi hi.

Kam-uih pen kihilh baih lo a, koppih neite in a pasal, ahih kei leh, a zi a kam-uih ahih lam a hilh kul hi. R. K Nithanga (Laitai)