Breaking news: US Ulian ten Kawlgam vai thupi genkhiatna nei

Breaking news: US Ulian ten Kawlgam vai thupi genkhiatna nei

US State Department ii thudotpi (Counselor of the United States Department of State) leh U.S diplomat sungah amin nei mahmah khat ahi Mr. Chollet Derek in ukna buluh MAL te pawl in ukna buluhna thautawi in ado PDF te zo zo nawnlo in zawh ding zong hi thei nawnlo ding hi ci in News minthang Reuters te tawh nung Friday ni Bangkok ah kimuhna ah genkhia aa, tua athu gen pen leitungbup ah kizel mang hi. PDF te aading tha ngahna lianpi zong hong suak in ukna buluh ngongtat te ii dinmun maan apulaak khia masa gamdang mi US Ulian khat ahi hi.

Mr. Derek ii agen suak na ah Misok MAL pawl te pen mun khempeuh ah gal lelh ta uh aa, amau ukna gam (Territories) zong tampi sum/bei ta uh in PDF leh EAOs ten gam mun tampi la in uk ta uh hi ci hi. MAL in agam sung bek ah gal lelh hi lo in Leitung gambup International ah zong kua man thu sim nawnlo, kiho pih nawnlo, mun ngah nawnlo ahih manin MAL in ukna buluhna te bei sak in democracy lampi ah amanlang takin ciah kik ding Pu Derek in hantawn hi.

Pu Derek pen tulai tak Thailand, Singapore, Brunei leh ASEAN gam teng ah a vak koi koi lai tak hi aa, ASEAN gam sung pan Singapore, Indonesia leh Malaysia cih te tawh Kawlgam kikhel nading lampi tampi kikum thei uh in ASEAN in NUG, NUCC te tawh khauh takin kizop mengmeng ding hantawn hi. Pu Derek pen nung deuh in zong Myanmar-Thailand gamgi aaom Mae La Refugee camp ah va hawh in galtai mipi te tha va pia thei hi.

More: 2020 Myanmar gambup kiteelpi leh Zogam makai kiteelna

Pu Chollet Derek ii thu hong genkhiat te pen ei mipi te aading tha ngah huai vi ve hi aa, nuntakna pia in ukna buluh ado PDF te aading zong tha thak khat ahi hi. Ref: Reuters news ***News Update zong Wednesday ni sim nitak 8:30pm kiim in LIVE tawh kikhah ding ahih manin kimu tek ni…. Thomas On Sian Mung (Thomas Mung Guite) Washington D.C June 13, 2022