UK gamsung ah kum 11 bekbek aphapan numeino khat gai in nausuak tading

UK gamsung ah kum 11 bekbek aphapan numeino khat gai in nausuak tading

UK gamsung ah kum 11 bekbek aphapan numeinokhat naupaai in, maikha sungin nau suaktading ahih manin Britain nupi khempeuh lakpan akhangmoi penpen hiding cih Yahoo News pan kiza hi. Tua numeinu pen “Legal Restrictions” hangin amin apuam genkhiatkhuan omlo hi. Nau apaaisak, agaisak pasalpa zong hih numeinonu sangin tawmciklik bek upazaw cihi. (pasal nei cihna omlo)

Abeisa leh tuciangciang ah Britain numei khempeuh lakpanin akhangmoi penpen “Britain’ Youngest Mother” in akiciamteh pen kum 12 ahihi. Abeisa ah kum 12 bekbek aphapan numeino khatin nau nei in, khangmoi kisamahmah hi. Tua numeino agaisak pasalzong tuahunlai in kum 13 bekbek phapan hi.

Kum 12 aphakin ta neimawk a, ahi zongin tua numeino pen tudongmah sangkah kullai ahih manin, atano pen anu in kepsak hi. Anu zong kum 28 bek hipan hi. UK History sungah “Britain’ Youngest Mother” cih ciaptehna ngahhiau mawk hi.

UK History sungah papi akhangmoi penpenzong kum 12 bekmah ahihi. 1998 kumin tua pasalno pen kum 12 bekbek hipan a, ahi zongin numei khat gaisak in ta neimawk ahih manin “Britain’ Youngest Father” in ciaptehna ngahlian mawk hi.

Abeisa in “Britain’ Youngest Mother” in akiciamteh numeinu ii aminpen Tressa Middleton ahihi. Kum 12 aphak hunlai in ta nei in, tuazawh nungkhasung in ata anihna neikikding uh ci’n pulakkhia kici hi. Atacil leh anihna pen kum 11 kikal hi.

Related: Kum 13 aphak akipan apano in buan athuak numeino naupaai ta ~ ZD

Mai khasung in nau asuakding nupinu pen kum 11 bekbek hipanmawk ahih manin “Britain’ Youngest Mother” ciaptehna pen amatung akipiading suakphot hi. Kum tawm lawmlawm mah ei mate….. ZD Sawltak #zomidaily