Zosuan Tuailai Khawmpi akhatveina ii agah bangteng om?

Zosuan Tuailai Khawmpi akhatveina ii agah bangteng om?

Dotna
Zosuan Tuailai Khawmpi….
ZTK akhatveina ii agah bangteng nektheih in om?
ZTK anihveina ah bangteng kituh,kisuan ding?
Sent from my iPad
by: David Kim (Hatlangh) [email protected]

iPad pan aa gelhpak ahihna tawh kizui in, “ZTK bang phat tuamna om?” cih pen kheldotna tawh kibang sam naven, athei nuam takpi khatpeuh zong omthei takpi ding cihna tawh:

Minam vai nasepna ah,
Tu’n tuh, tu’n suan, tu’n ne nuampah cihbel, neu lai vaimim gau em, a min masa, ne masa tawh kibang leh, Kawlte’n kamciin khat aa aneih, “A mei min, a mei ne, a lu min alu ne” cihtawh akibang pian ahihi. Namtom vai, piicin lohna a kilang ahihi.

Tua nangawn:
1. ZTK-2013 pan mipi in Zomi kicih ding kilunggulh ahihna (followed by 2014 Census), leh,
2. CNFte i gam ah kideih hetlo ahihna kilang khia hi.
3. ZTK-2013, Tedim aa kimu, kithuah, kikhawl khangno teng mah 2014 Census ciang lungsim kitheisa hipah in kalsuanna nuam mahmah hi.

4. Zomi milip in ii theikha hiam?
(a). Zogam, Zolei, pupa’ gam, pupa’ neihsa cihbang a na om lo ahihna ZTK-2013 aa ong kah khangno khempeuh in athei ahihi. Tuabang thu a omlam tu aa thudong pa’n na theikha, na zangei kha hiam? Simmawhna hilo in kong um khol keihi.
Banghanghiam cih leh,
(b). khangthak sung genloh i minam sung ah hihvai kin in kineilo, ki uuklo, kiveilo, ki awlmawhlo hilaihi.
(c). Ukpi hun lai aa zang leh kham gamgii khenna, ‘suangcian’ kiphuhna munte gamlim sung beek ah na mukha ngei hiam?
(d). Tuni tuhun aa avui atang tawh Kawlgam sung kisual nilohna ii abulpi in hih leitang tung aa thuneihna kituh ahihlam i phawkkha hiam?
(e) Pawlkhawm gam, Kawlgam sung aa inntek minam khat hihna tawh piakciang bek aa ngahding ahilo, pianpih hamphatna bangteng nei cih nang leh nang in na theikha hiam?

Na theih kei leh, na zaakngei kei leh ZTK-2013 kahkha te nadong in. Athei khin khinkhian na hihleh, athei nailo, gengen ding akul tampi a omlam naphawk kha hiam? Tuahang aa sum leh paai, tha leh ngal bei liang aa ZTK kihanciam ahihi.

Tuapen tu leh tu aa nekpak ding ngetna dungzui aa ii kipiakpak ahihi.
ZTK-2015 ah kimuh sawm hamtang dihni.
Hiteng mah i genkikkik ahizongin kizelzo nailo hi.
Hibang dotna hangin kalungdam, ka omnuamtuam hi.

Hang Khan Lian