Malaysia, Selayang Mulia sung aom inntungdawn pan kum 9 aphapan naupang pasalno khat kia in si cih NST pan kiza hi. Zanni Friday nitaklam 1:40pm hunpawl in Selayang Mulia aom Apartment khattung panin akia ahihi.
Gombak Police te genkhiatna ah khuasungvak khatin naupangkhat inntungdawn panin akia amuh ciangin Police te zasakpah cihi.
Police te upmawhna ah hih naupangno pen alawmte tawh inndawl 9 nahiam, 10 nahiam pawlah akimawl uh hidingin ummawh uhhi. 1pm hunpawl in akimawlpih alawmte a inn uh ciahkik a, ahi zongin pasalno pen koi mahah kimukha nawnlo hi.
Khuasungvak Passer-by khatin amuh ciangin palik te zasak in aki theipan hi ci’n District police chief Assistant Commissioner Ali Ahmad in genkhia hi.
Inntungdawn panin naupangno pen bangcikiat cih kuamah in akiat laitak mukhalo, theikhalo uh a, Police te’n akansan laitak uh ahihi.
Related: Selayang aom Homestay numei kisilbuk sungpan Spy Camera ki mukhia
Aluanghawm pen Selayang Hospital ah Postmortem bawlding in kipuak a, hih sihna pen thakhatthu in sihna “Sudden Death” cihtawh Case kibawlphot cih kiza hi. ZD Sawltak #zomidaily
Comment piaknop aomleh...