Turkey, Istanbul City ah Helicopter khat kia in, mi 7 si

Turkey, Istanbul City ah Helicopter khat kia in, mi 7 si

Turkey gamsung Istanbul City ah Helicopter khat alenlaitak in Television Tower phukha ahih manin, kiasukpah a mi 7 in sihlawh cih AFP pan kiza hi. Friday (Mar 10) ni in thupiang hi a, Helicopter sungah atuangvekpi mi 7 lakah Russia gammi zong mi 4 kihel cihi.

Istanbul Mayor Kadir Topbas in avek un si ahih manin, a innkuanpih leh anaseppih te tungah dahpihna ka pulak hi ci’n genkhia hi. Turkish Media te genkhiatna ah meii sahlua “Foggy” ahih manin khua hoihtak mutheilo in Television Tower aphukha hiding ci uhhi.

Hih Helicopter pen Sikorsky S-76 Helicopter namte hi a, Turkish Conglomerate Eczacibasi te ii aituamneih “Privately-owned” ahihi. Helicopter sungah atuangpen vanlenghawl Pilot 2 leh Passengers mi 5, akigawm in mi 7 ahihi.

Russian Ministry of Foreign Affairs inzong hih Helicopter kia lakah amau gammi 4 kihel cih kipsakna nei uhhi.

Hih Helicopter pen Istanbul Ataturk Airport panin Local Time 11.16am (0816 GMT) in alenkhia hi a, alenkhiatzawh Minute 4 khitciangin akia ahihi ci’n Turkish transport ministry in genkhia hi.

Kamphatnakik bilbel tawh Helicopter akiatna munah kuamah denkhak neilo cihi. Ahi zongin Helicopter pen naksiat mahmah, zancip gawp hi.

More: Japan ah Helicopter khat kia in, mi 9 si

Nungdiak mahmah inzong Japan gamsung ah Helicopter khat kia in, mi 9 in sihlawh hi. President Recep Tayyip Erdogan leh Russia gammkai Vladimir Putin tezong hih vanlengkiat ni mahin Moscow ah ki muhkhawm uh cih kiza hi. ZD Sawltak #zomidaily