Malaysia, Bukit Bintang vengsung aom Nightclub khat thautawh tamveipi kikapgawp

Malaysia, Bukit Bintang vengsung aom Nightclub khat thautawh tamveipi kikapgawp

Malaysia, Kuala Lumpur khuapisung aom Bukit Bintang vengsung ah thau kikapna piang cih theStar pan kiza hi. Tua thau kikapna apianna munpen Bukit Bintang vengsung aom aminthang mahmah Nightclub khat ii apualam ah hi a, Nightclub ii apualam aom te aki galkap kici hi.

Hihvai tawh kisai in City CID chief Senior Asst Comm Rusdi Md Isa in agenkhiatna ah hih thupiangpen zanni Sunday (June 24) nitaklam 10:50pm hunpawl in thupiang cihi.

Ageinai panin amukha Witness khatin agenkhiatna ah Parking Lot omna lamsangpan kipan in thaukikap aging tamveipi kaza hi ci’n genkhia hi.

CID Chief in agenbehna ah thautawipa pen Motorycle atuangkawm hiding in ki ummawh ci a, Nightclub kongmai alutna Entrance teng apaikawm in akappheigawp cihi.

Tuabangin akappheigawp hangin asi aliam kuamah omlo in, thaukappa pen tuaphual panin taisuak vingveng cihi.

Video: Police are investigating a drive-by shooting outside a nightclub at Bukit Bintang here. City CID chief Senior Asst Comm Rusdi Md Isa said the incident occurred at around 10.50pm on Sunday (June 24). “A witness claimed that he heard shots fired from the direction of the parking lot.

Tua thaukikapna aphual ah thautanghawng “Bullet Casing” bekbek akigawm in 25 bang kimu hi. Tua Bullet Casing akimuhna pen Nightclub Entrance panin Meter 30 agamlakna ah akimu hi. Hihvai tawh kisai in tuciangciang amiman kuamah omnailo hi ci’n City CID Chief in genkhia hi.

Tuabangin thautawh Nightclub Entrance akikapgawp laitak in nasem Staff te mi 4 apualam ah ading uh hi a, ahi zongin tuate kuamah thautawh akikapkha omlo uhhi.

More: Germany gamsung aom Nightclub khatah thau kikap, mi 2 si in 4 liam

China Press te genkhiatna ah hih thaukikapna pen sumzonna ah kidemna “Business Rivalry” hangin akikap hiding hi ci’n pulakkhia uhhi. Mihing ki kaplupnopna taktak hilozaw in, Nightclub neite lauthawngsak nopna, Warning piakna in hihbangin thautawh agalpanin tamveipi akikap hiding ci uhhi.

Hihvai tawh kisai in kumpi thunei te’n “Section 39 of the Arms Act 1960 for discharging arms outside a shooting range” cih thukhun tawh Case bawl uh a, athu akician in akansan laitak uh ahihi. Sawltak #zomidaily