Malaysia nasepna khatah Crane tuksuk in nasemkhat denglum

Malaysia nasepna khatah Crane tuksuk in nasemkhat denglum

Malaysia, Kuala Lumpur sung aom Construction Site khatah van gik doptohna Crane khat tuksuk in, Crane Operator pa’n sihlawh cih theStar pan kiza hi. Kuala Lumpur, Taman Desa vengsung aom Construction Site khatah zanni Thursday nitaklam in thupiang ahihi.

Fire and Rescue Department te genkhiatna ah hih tuahsiatna apian ciangin nitaklam 5:24pm hunpawl in hongki zasak ahih manin, Construction Site aphual ah Firefighter mi 7 in delhpah uhhi.

Crane Operator papen van gik doptohna Crane gei ah ading hi a, atung panin Crane “Boom” leh Generator kiasuk in adenglum kici hi.

Ageinai panin amukha Witness te genna ah tuahun laitak in guahzuk kipanlian a, Crane Operator pa’n Generator pen Crane tawh adomto cihi.

Tuakhit ciangin Generator akikhaito linglengsa in aomlaitak, amahpen Crane phunggei ah ading hi a, thakhatthu in tua Generator leh Boom kiasuk in adenglum cihi.

Related: Penang ah Kawlgammi khat Wire khau in a ngawng zuttan in sipah

Construction Site sungah tuahsiatna pen omthei zelzel ahih manin, hih Construction Site sungah nasem te ahi zongin, ageinai anawkkha te ahi zongin kidop huai hi. Sawltak #zomidaily