New Zealand gamin $17.2 Million bei in Refugee mi 500 lading

New Zealand gamin $17.2 Million bei in Refugee mi 500 lading

New Zealand gam ii Health Minister asemlaitak ahi Jonathan Coleman in agenkhiatna ah $17.2 Million bei in Refugee mi 500 kalading uh cih thu New Zealand Star te’n zanni in suakkhiasak uhhi. Hi alakding uh ageel pen mundangdang te nahilo a, Syria gamsung aom Refugee te nahizaw hi.

New Zealand kumpi in hongtungding kum 2 sungin Syria gamsung aom Refugee mi 500 te $17.2 Million bei in kilading a, gamsung ah nuamtak in anuntak theih nading un ki panpihding ci’n Jonathan Coleman in genkhia hi.

Hih Refugee te in agamsung ah lungkham sinkhamna tampitak thuakkhin uh ahih manin, New Zealand gamsung honglut uh cianginzong lungsim cidamna lamtawh kisai hoihtak panpihding kisam hi.

Pawlkhat te pen Counselling leh Support tuamtuam piakkulding a, pumpi kimlo leh adamkimlo cihtezong cidamna lamah hoihtak panpihding kisam hi cihzong genkhia hi.

Nungkumsung inzong Syria gamsung tualgal hongtun ciangin New Zealand gamin Syrian Refugee mi 750 ki lading uh ci’n taangko khia uhhi.

More: New Zealand ah huihpi guahpi nasia mahmah in, Electric mei siacip ~ ZD

Syria pan Refugee te hongtunciang in atamzaw pen Wellingtong khua leh Dunedin khuate ah ki omsakding a, cidamna vai, naupang te sangkahnading vai leh lungsim cidamnading vai akisam khempeuh ki vaihawmsakding cihteng Jonathan Coleman in pulakkhia cihthu kiza hi. ZD Sawltak #zomidaily