Tuni leitung thuthang te (18.11.2014)

Tuni leitung thuthang te (18.11.2014)

OBAMA IN KIPSAK
IS te in Peter Kassig ngawng leh Syria galkap18 te ngawng tan sak un acih pen U.S President Obama in kipsak ta uhhi. Hih video pen minute 16 kim sawt hi. Hih bang a IS te in Peter Kassig ngawng atan sak uh pen gitlohna akah uh hi ci in gen hi. Hih Peter Kassig ngawng tan sak te lak ah France mi khat leh British ni khat kihel ci in, tua France mi pa pen kum 22 apha Maxime Hauchar cihi.Hih bang a Peter Kassig sihna hang pen Syria gam a migiitna leh lainatna tawh syria mipi te ading na asep hang hi ci in,Kassig nu leh pa te in dahna pulak uhhi.

MIHING GUH KI MAN

Bangkok ah naungek khut leh khe te U.S puaksawm Saturdayni in a amaun mawh uh minih te palik te in thu sit uhhi. Thai Palik te genna ah parcel thum pha in,khatna bawm sung ah naungek guh leh maitang koih a, nih na sung ah nau ngek in taklam khut mun thum a tan tang sa kimuhi. Thumna ah Thai dawisiam te bawl akisia thwi lo ding, mi vun nen nih leh asin zong kihel cihi.Hih pen X’ray tawh asit uh ciang in thei uhhi.Tua parcel bawm te tung ah naupang kimawl na lim ci in min gelk uh a, tua amaun mawh mi nih te pen kum 31 leh 36 kim apha America mi nih te hi in,tu in Combodia gam ah om ding in lam en uhhi.

IS TE IN MIMAT NUMEI NGAWNG TAN SAWM LEULEU.

IS te in mi that ding dang khat gen kik leuleu uh a,tua pen America mi kum 26 apha, amau pawl ii amat sunsun uh numei khat ahi hi.Tu numei nu in Syria gam a tual gal kibuai na hang a inn kuanpih te tawh kikhen a om nau pang te a ding in huh na apiak khit Aug.2013 in kiman hi.

BOMB PUAKKHAM

Iraq gam Baghdd khuapi ah Nov.17 ni in mipi te van lei van zuak a aom na mun ah bomb puak kham na hang in mi 14 si in, mi 31 liam hi ci in thunei te in gen hi.Hih puak kham na mun pen Baghdad khuapi nisuahna lam a om Mesthal veng kim te hi in,mi 8 si in 15 liam hi.A adang khat pen Baghdad khuapi ii nitumna amiriya ah hi in mi 6 si in 16 liam cihi.Hih pen akau hih cih kithei lo hi.

SEN LEH AUGSTRALIA

SEN te leh Augstralia gam te in suakta tak a vanlei van zuak theina ding in thukim na nei uhhi ci in Sen President Xi leh Augstria PM Tony in thut khak lakhawm te kiang ah gen hi.Hih bang a thukim na ngah na ding pen kum 10 bang sawt cihi.Hih thukim na hang in Augstralia gam a gan khawi te leh wine lam an nasep nei te in asawt lo in Sen gam ah siah piakkul lo in van zuak thei ta ding uhhi.

U.S TE IN NATKAP ZAW TA

U.S te in Syria gam leh Iraq gam a om Islamic hiamngam te Fridayni akipan in nak kap zaw ta uhhi.Syria gam Kobane ah 9 vei kap uh a,IS te omna mun 7 leh galdo pak na ding a alam tau te 4 kapsiat sak uhhi.Tua ban ah Dayz AZ Zawr a IS te meitui khawlna te leh tank te zong suksiat sak uhhi.Iraq gam nitum ns leh saklam te ah van lam tawh kap uh a Baiji ah 5 vei,Rutba ah 4 vei leh Kirkuk, Mosul leh Mosul tuikhawlna mun te ah 3 vei kap uhhi. Hih bang a kapna hang in van puakna mawtaw 9, bulldurzers 2, lei lukna 2,gal mai a vanpuakna 2 leh galsimna mun te kapsia hi. Ref: J.onlinenews, bbc, nbc, hro. Cin Ngaih