Tuni Kawlgam Khuahun

Tuni Kawlgam Khuahun

– US dollar sumkhek tawm kia hi. Zangkong ah a dollar ngiat tawh ih khek sang in Western Union sumkhek sangzaw tham ci hi. Tuni sum khek apua ah $1 = Ks 1344 kiim hi a WU te’n $1 ciang ks. 1352 pia uh ci hi.

– Kawl kumpite’ thusim teng apholh khia den ahi Washington DC a om Go Shay Lay (a fb min Hla Win) in tukum sung zangkong inn mante nak kiat mahmah ding a gamgi lam a te nak khan mahmah ding ci hi.

– A sawtlo in State/region level kumpi panmun lente pawl khat kilaihna om ding a tua khit teh Naypyitaw level kumpi panmun lente pawl khat kilaihna om ding hi. State/region level ah bel Ayeyarwaddy leh Magway in panh masa ding hi.

– Tuni kawlgambup phial ah guah zu hi. Khuadamna gam a om nungak leh tangvalte heh mahmah uh ci hi.

Tuni ai tuazah ciphot ni.

Suutnop tampi tawh

(Mung Laan Thang)
Zangkong

*Ngeisok* atuam *Neisok* atuam hi

Zomite’ sung ah pau tawmtawm akilamdan zenzen hang bulkan leng theihhak lo hi.

Hih *Ngeisok* vai ah:

Ng = N

Ahih man in Ngeisok acilo te’n Geisok acih uh kul hi (Ngeisok acihnop kei tantan uh leh ka cihna)

Ng leh N kizat dan

• Gatam = Ngatam
• Gen = Ngen
• Vagik = Vangik
• Giat = Ngiat

etc..

Tua hi in Ngeisok leh Geisok akibang hi.

Neisok Vai

Neisok a om lam tu’n atheipan hi’ng. Zopau lak ah aciikpawl a kigen Tonzang ah suak in khangkhia ing. Tonzang sung ah zong pauciik deuh a kigen ka pute hi. Tedim tualsuak kum 30 phakhin peuhmah in kapu Pu Dai Nang leh Siavuan Sian Za Kham te atheilo omlo ding hi. Bang zah tak in apaute uh ciik hiam cih thei ding ka cihna hi. “Neisok” cih kammal zangei keng.

Zolai tawh kigelh laibu thupi ka sim ngeihloh omlo ding hi. “Neisok” kammal mukha ngeilo hi’ng.

Zola minthang ka ngaih ngeiloh omlo ding hi. *Neisok* cih kammal zangei keng.

Tu’n kazak ciilna hi in lungdam huai salel ing. Neisok atuam Ngeisok atuam hi. Buaina ding om kei.

Zomite ki it mahmah hang

Lungdam

(Mung Laan Thang)
Zangkong