Mawhna ah ih puk ciang

Mawhna ah ih puk ciang

1). Mizo cimnuih siam Pu Thang Kura in “zuau khatvei ka phuak aleh ka zuau phuah mann mah hi ka cih theih nading in zuau sawmvei mahmah ka phuah kul” ci hi.

2). David in Bathsheba amawhpih khit ciang amawhna akitheih loh nading in mithatna tawh (Bathsheba pasal Uriah that ) amawhna selcip sawm hi (2Sam.11).

3). Joshept sanggamte in Joshept azuak lam uh akitheih loh nading in khemna zatna tawh (apa uh Jacob khem ) amawhna uh selcip sawm uh hi (Pian. 37).

4). Kain in Pasian thupiak bangin ahih loh man in ama biakna kisang loh ciang in hehmahmah na hangin anau Abel that a, anau athatna akitheiloh na ding in “ Pasian kiang ah ka sanggam pa omna ka thei kei hi” cih khemna zatna tawh amawhna selcip sawm hi ( Pian.4:1-15).

5). Jacob in apa thupha deih man in khemna zatna tawh ( Esau ka hi ci in) apa Isaac khem hi (Pian 27:1-29).

6). Adam in mawhna ah apuak ciangin mawhmah ingh cih ding sang in “ kei mah tawh omkhawm dinga nong piak numei in singgah hong pia” , cih Pasian kiang ah genna tawh mawhna pan peng nuam hi ( Pian. 3:11).

7). Evua in mawhna ah apuak ciang mawhmah ing, khial mah ing ci in dawng ding sang in “ gulpi in singgah hongpia” cih Pasian kiang ah genna tawh mawhna pan peng nuam hi ( Pian. 3:11,12).

8). Akhan in aki ap nate lakna tawh khial napi in ahunlap in amawhna gen lohna tawh amawhna imcip hi (Joshua 7).

9). Ananias in aneihsa pawlkhat zuakna sum pawl khat kemcip ngiimna tawh mawh hinapi amawhna im cip lai veve hi (Sawl 5:1-11)

10). Sapfira in apasal tawh thukim a asum imcipna tawh mawh uh a, thu mann gen ding in akisawl hang amawhna imcip veve hi (Sawl. 5:1-11).

IH HIHNA MANN HONG KIPHOLAK CIANG

Ni khat amitdel agilo mahmah khat om hi. Gilo lua mahmah ahih man in alawm te in mitdelpa acih leh heh mahmah hi. Banghang heh na hiam akicih leh” ih hihna mann hong kigen ciang mann lua mahmah ahih man in kiheh hi”, ci hi. Hih bang dan deuh mah in mawhna khialna ih neih ciang, ih hihna hong kigen ciang khial ingh e mawh ingh e kipuahpha ning kicih ding sangin ih hihna mann deihsakna tawh hong gente pen kimuh dah theih zaw hi.

1). David in Bersheba tawh amawh khit ciang amawhna akihilh tak ciang in kumpi khat hihna tawh gitloh gamta thei napi in gitloh gamta lo in, Topa tungah ka khial hi ci ahih aman in amawhna kimai sak hi (2Sam.12:13).

2). Saul kumpipa in amawhna akihilh ciang mawh mah ingh khial mah ingh ci a kisikna mann neilo in, midangte kikta in Topa thu nial ahih man in akumpi hihna pan in Topa in nolh hi (1Sam.15:24-29).

PASIAN MITE IN THUMANN TAKIN GEN NGAM HILH NGAM UH HI.

1). Kamsang Nathan in Pasian sawl bangin kumpi David kiangah lauhetlo in pai in amawhna thuhilh hi.

2). Tuiphumpa John in “Herod in anaupa Phillip zi teenpih ahih man in thuhilh zelzel na hangin Herodias in thong kiasak hi. (Mark .6:17,18).

3). Amos in tuucing khat hi in Juda gam mi ahih hangin lampial a om Israel te kiangah thuhilh in om hi.

PASIAN A UM TAKTAK LOTE IN MUHDAHDING LAU IN THUMANN GENLO UH A, THUHILHTE MUDAH UH HI.

1). Tuiphumpa John in Herod kiangah anaupa zi atenpih vai agen tak ciangin azi Herodias heh ahih man in John in sih lawh hi.

2). Akhan mawhna azi at ate in impih, panpih uh ahih man in azi ata te inzong sih lawh hi.

“En in , biakpiakna sangin thu man’ ding hoih zaw a , tuutal thau te sangin thu ngaih ding hoih zaw hi” 1Sam.15:22. Cin Ngaih