USA, Tulsa pan Tg. Suan Za Mang (Buanli, Jasuan beh) in hongnusia

USA, Tulsa pan Tg. Suan Za Mang (Buanli, Jasuan beh) in hongnusia

Dahpihna Lai Tg.Suan Za Mang DAHPIHNA LAI (CONDOLENCE LETTER) – Mangpha Tg.Suan Za Mang, Jasuan Beh, Kum 40: Buanli Khuami Tulsa, OK USA ateng Tg. Suan Za Mang in abeisa January 04,2019 in lam at het lo laitakin alupna tungpan ongnusia chih thu izaakmanin ZIUSA kipawlna mintawh nakpitakin kidahpih kilainatpih hi.

Tg.Suan Mang pen abeisa 2012 kumin Pasian lamhonsakna tawh USA ongtung ahihi. Tg. Suan Mang pen USA leitang tunga ong nusia Zomi laizom khat ahihmanin dahpihna lainatpihna lahna in ZIUSA kipawlna in paakkual $150 man khat tawh mangpha khakna kinei ding hi.

Tg. Suan Mang tawh anunungpen hunzatkhop ding ong tungding Friday 01/11/2019, 12:00pm to 3:00pm hun-in Southwood Colonial Chapel 3612 E 91st St, Tulsa, OK 74137 ah (Myanmar Zomi Baptist Church) makaihna tawh hehnep hunbawlkhopna kinei dinga (Dr. Rev. Ci Cin) in Pasian kamaml tawh hanthotna ong neih khit ciangin hanmualah vuina kineidinghi.

Tg. Suan Mang ong nusiatna hanga adahakap sangam tanau meltheih khuapih tuipih beh leh phung akuama khempeuh I biak Pasian in a makiangpana ongpai khasiangtho in ong hehnem tek nading ZIUSA kipawlna in thu kingetpih hi. Dahpihna Lianpitawh, ZIUSA Genvai Tanupi – Contact Pu Mun Mang, 1706 8th Ave, Apt.304, Oakland CA 94606.