Zanni KL-Seremban Highway tungah atailaitak mawtaw khat thautawh kikap a, 5 vei akapkhak hangin silo cih theSun Daily te’n genkhia hi. Mawtaw hawlpa pen kum 40 gualpawl hi a, Health and Wellness Equipment Company khat ah General Manager nasep asemkhat ahihi.
Hihpa pen aomna Desa Petaling innpan in anasepnalam zuanin mawtaw tawh apai hi a, mawtaw ahawl laitak a geipan in thautawh kikap hi. Thautawh akapte pen Motorcycle tungah minih akiten uh hi a, anung ah atuangpa in thautawh mawtaw hawlpa 6 vei kapphei hi.
Mawtaw hawlpa akhut, a awm, a ngawng cihte ah 5 vei kapkha a, ahi zongin silo bilbel ahih manin, UKM Cheras zato ah kipuaksuak cihi.
Kuala Lumpur police CID Chief SAC Rusdi Mohd Isa kicipa in agenna ah hih thautawh akap te pen sumtawh mithatding in akicial migilo te hiding ci’n ummawh uhhi.
Malaysia gamsung zong tusungteng buaina patauhna tuamtuam hong omzeuhzeuh ahih manin, Malaysia gamsung aom Zomi te hawhna ciahna ah ki dopsiam ni. ZD Sawltak #zomidaily
Comment piaknop aomleh...