Tulsa: Myanmar World Cup USA 2015 – Final te

Tulsa: Myanmar World Cup USA 2015 – Final te

Nu leh pa, lawm leh gual aw, Zingciang 9am a ki pan Victory Soccer Field, Tulsa mahah Soccer final teng ki sui ding hi. Hih soccer pen www.myanmarsoccer.us pan LIVE CAST ki bawl ding ahih manin a lung lut ten tua pan ki mu thei ding hi.

Players te pen nidang sangin siam zaw uh ahih manun muh nop thei mahmah uhhi. Nek theih tuamtuam zong hih anuai a bangin ki zuak ding hi.

• Mohangar
• Kyi Oo
• Nankyitoh
• Aksa, bawngsa
• Mohsikyaw
• Voksa dohthu
• A vot a tuamtuam leh
• Bawng sungkua tui
• Nek theih tuamtuam ki zuak dinghi.

Family picnic nei ding in hong pai ciat ta vo. Kum kipat Tulsa khua zang bup pawi lian pen hi ei. Khua hun hong hoih nading thu ngen ciat ni ei. I tate naute nuam tak in, hong ki mawl ciat ta uhhen. Amen Lungdam hi. MCC Media

Tulsa: Myanmar World Cup USA 2015

Nu leh pa lawm leh gual aw,
Kum sim a MCC pawlpi vaihawmna tawh ii neih Bawllung pawi pi Tulsa khuapi sungah May 23 & 25 sung ninih sung (hulsilsel) ki mawlna om ding hi.

Hih kimawlna ah Team 12 pha ding a, lawp huai mahmah in ki gen hi. 2014 a, a khatna ngah Myanmar Kansas Team te zong hong pai kik ding uhhi. Texas pan zong hong ki pai ding hi.

Opening ceremony pen May 23, saturday 8am lian in, Victory Soccer field ah ki nei ding hi. Zomite lum ziahziah ding hi ta hang ei. Hong ki thawi dih vo. A khatna ngahte $ 1500 tawh pahtawina ki pia dingin ki za hi.

Hong tungding Sunday May 24, ni MCC pawlpi Zohun @6pm kikhop hun sungin, SOCCER WEBSITE thak zong honna pawi ki nei pah ding cih zong ki za lai ei. Va kihel sawm ciat ni ei.

Tu kum pen bawllung pawi sung Nek theih, dawn theih a ut khempeuh in zua thei ding a, $50 fee khia hamtang ding cih ki za hi. A lung lut ten hih anuai a munte ah na contact ciat ta un.

Bawllung vai ki mawlna tawh ki pawl a thei nuam te’n Ko Mangno (Sport Coordinator) @ (918) 232-3714 kiangah ahi zongin, Nek leh dawn, vanzuakna lam ah Pa Nang Khaw Vung (Field Coordinator) @ (918) 951-5293 kiangah ahi zongin thu ki dawp thei hi. Bawllung pawi siim ding in ong pai ciat un. Lungdam hi. MCC Media mcctulsa.com