Tulai Kawlgam Khuahun Kei’ Muhna ~ Thangboi

Tulai Kawlgam Khuahun Kei’ Muhna ~ Thangboi

2018 kum December 21 ni in kawl galkap te’n kawlgam command mun 5 ah kikaptuahna 2019 kum April 30 ni dong ka khawlsan ding uh hi ci’n tangko uh hi.

Tua sung ah Rakhine state ki hello sese hi.

December 24 ni in Rakhine state Myay Pone township sung a Kya Inn Taung khua ah ALD party i CEC member khat ahi U Khin Than Maung a inn tektek ah amahkia a om laitak thau tawh ki kaplum hi.

Tua ni mah in Rakhine state Ann township sung a Sappie khua a TBCY (Galhangpu Sia Kapnote’ pawlpi) tawh akizom pawlpi khat in Lungdambawl bawl ding in akisak liailiai laitak un lutol 3 makai in mi honkhat in va subuai in vatgawp uh ahih man in mi 2 liam hi.

Tua ni mah in Rakhine state Buu Thee Taung township sung a Rakhine ahilo Zomi gimnam khua khat ah kawl galkapte a om laitak in thaupi tawh kikap ahih man in tua kawl galkap 30 val leh tua khuamiteng avek un si uh hi (Hih thu koi mah ah suaklo hi. Tua kiim a om mite’ hong gen ngiat ahi hi).

2019 kum January ni 1 ni (Tuni) in Rakhine chief minister U Nyi Pu te’ mawtaw convoy Kyauktaw pan Mrauk Oo zuan a pai Mtrauk Oo atunma deuh in bomb tawh kisuam hi. Mawtaw khat sia hi.

Hih atung a thupiang khempeuh pen kizom dimdiam ding in ka um hi.

Kikaptuahna khawlsanna ding mun 5 lak ah Rakhine state akihelloh pen Rakhine galkap AA te hatluata uh ahih man in amau mahmah suknop man hi’n ka um hi.

Thupiang dang khempeuh zong Rakhine leh Rakhine kimuanmawhna ding leh minam khat leh khat kikal ah kimuhdahna apianna ding ngimna tawh akisem hi’n ka um hi.

Thu tampi hong piang lai in ka um hi.

Lai nong simsak lungdam ing

Nong-it, Mung Laan Thang (Zangkong)