Tulaai Leitung Thuthang Tuamtuam Updates November 16, 2015

Tulaai Leitung Thuthang Tuamtuam Updates November 16, 2015

Kawlgam Gaalkaap te in Kumpi kilaihma ci uhhiam ah November 15,2015 nipan kipan in KIO te phualpi khat ahi Mohnyin khua kiim teng Gaalvenleeng 3 leh Helicopter 6 tawh banzial uha, tu in leilam pan nasiatak in zial kipan uh hi ci in KIO makaai khat ahi U La Nan in genkhia hi. VOA

IS migilo te in Video tawh online pan thu taangkona athakkhat November 16,2015 ni in khahkhia uha, Piantit gam Paris ah Annlaak kizota asawtlo in USA gam Washington DC khuapi ah Annlaak pawi kibawl leuleuding ci in gen uhhi.DC Kiim a te mitamna te ah kidop ding ahihi. VOA

Nungkaal Friday ni Piantit gam Paris khuapi ah IS migilo te mi tampi athahna hang in Piatit ten leiba lohnading in IS migilo te thuneihna Syria gam Raqqa khuapi a IS te zumpi teng leh giitloh kisinna phualpi teng ah Piantit gaalvanleeng hoih peente 10 tawh Nahtang Um limci simsim 20 November 15,2015 ni in vakhiat tingteng uhhi. CNN

IS migilo te sumnaak pi ahi Namgimtui pua mawtawpi 116 Albu Kamal khuapi kiang ah November 16,2015 ni in US leh apawlten Vanlam tawh kaapzan sak hi ci in Pentagon gaal phualpi ten taangkokhia uhhi. IS ten hih Namgimtui zuakna tawh kumkhat sum $500 million ta ngah uh kici hi. CNN

Lungdam, Thang Khawm Pau ZOMi
Bowling Green, Kentucky, USA