Hakha ah Chief Minister Pu Lian Luai thugenna

Hakha ah Chief Minister Pu Lian Luai thugenna

Chief minister thugenna sungah a lunglut huai thu tampi om ahih manin ahualpi in ong letkhia ing. Lian Tuang, Hakha, 20 Febuary 2018

1. Mimal kitel khialhna a bei theihna dingin Zogam khuapite khantohzia khat le khat a kilek kim thei pen dingin kihanciam hi.

2. Lampi le lei hoih nading kihanciam a, Cikha le Paletwa kizopna lam lianpi pen mabanpi in khat in kinei hi.

3. Kham le zang kizopna lampite zong nasiatakin kibawlpha a, tua ban ah 2020 kum in Falam vanlengtual, 2021 kum in Kaladan gunlei kizo ding hi.

4. Chin state ah Township le Sub.Township kigawm 15 om a, tua lak ah 5 in mahadat line mei ngah khin hi.

5. 2018-2019 kum sungin Tedim, Matupi le Paletwa te in ngah beh dinga, Cikha, Tonzang le Rih ading tuitha meiset 3 tukum sungin kibawl ding

6. Abeisa kum 2 sungin Falam, Hakha le Paletwa khuasung khantohna ding nasep kipan thei a, Matupi Distric ngah nading le Naring khua leh Maguiengnu khuate Towmship kingah sak hi.

7. Tua bangin a kisawnto thei ding a khangto thei ding khua dangdangte zong a banban in kisem lai ding hi.

8. Sum le pai mu in mipi khantohna a om theihna dingin gelna nasiatak kinei a, gamsung gampua panin naseppih ding mi ong lutna ding kihanciam hi. Khangthak nasepsiam tampi a om theihna dingin Chin State Business Institute kihong in, mi 300 val kah khin hi

9. Tourist te lunglut theihna dingin 2018 kum khuado pawipi nasiatakin kibawl, Khunumtom mual, Rih bual, Tikil khua, Sorlong khua, Taisun khuate ah khualzin theihna ding kivaihawm hi.

10. Gam sung galvai buaina a om hangin galkapte huhna tawh lem kik ta, galtaite zong inn le lo zuankik ta

11. 2017-2018 kum sung khantohna ding kumpi sum zat pen awn 127808.406 Ks, 55.12 % pen lampi le lei, 11.55 % khuata lam khantohna ding, 9.22 % mei dat line ading, 7.66 % pen khuasung khantohna ding cih banign kizang.

12. State Hluttaw 17 vei om, dotna 139 kinei, thu 16 khentatna le genna kinei, Budget tawh kisai thukhun nam 7 kikip sak, thuneite bawl thukhun nam 7 kikupna le kipsakna kinei

13. Myanma gam sungah a zawng pen State hihna pan kum 5 sungin i suahtak zawhna ding a hanciam i hihi.

14. Kumpi ukna thakhauhna ding, golhguk a om lohna ding, Transparency om dingin kihanciam hi, mipi in zong ong panpihna un

15. Gambup thuletpi nam 3 siksan in Peace process dungzui in Federaldemocracy gam thak khat khutkilen in lam khawm ni.

Zomi Nam Ni ading Myanma President’ laikhak zong lunglut huai peuhmah zom to lai ni.