Tulaai Leitung Thuthang Tuamtuam Updates July 15, 2014

Tulaai Leitung Thuthang Tuamtuam Updates July 15, 2014

· Russia gam Moscow khuapi sung ah khuasungvaakna Meileeng khat July 15, 2014 ni in kibung a mi 19 si in 50 liam uhhi. HIh meileng kibutna hang in lamkiim lampaam a teeng mi 1,100 te kituah kha uha, Khuasung taai meileeng kibung lak ah anasia peen in kiciamteh hi.

· Afghanistan gam Paktika province sung vanzuakna munkhat ah migilo ten July 15, 2014 ni in bomb puaksak uha, mi 89 si a 200 vaal naakpi in liam uhhi.MIgilo te in Mawtaw khat hawl in mitam mahmah nalaaizang ah kitamsak uh ci in kumpi thuneite in genkhia uhhi. Kuabawl cih thu kisuaksak naailo phot hi.

· Israel leh Gaza khuapi auk Hamas te kikaal kilem nading ko palaai ongseem nung ci in Egypt ten aheelna Israel makaaiten July 15, 2014 ni in saang uha, ahizong in Hamas lampan tam si lua mahmah ung sangzo naailo kidonuamlaai ung ci uhhi. Israel makaaite Hamas kilemna ding Egypt in palaai seemding cih thukimna nei in July 15, 2014 nipan Gaza sim tawlnga ding cih akhensat laaitak un Hamas ten Israel gamsung Rocket tang 76 tawh July 15, 2014 ni in kaap kik uh ahihman in Israel ten Gaza simding akawlna pan July 15, 2014 niman in Bomb khiat kipan leuleu uhhi. Ni 8 sung Israel-Palestinian kido nasung ah Palestinian te 192 si in Hamas makaai te in 30 leh Thautang kholna mun 20 vuih le vaai suak hi. Israel lampan inn tawmkhat asia cihloh Iron Dome in thautang te bengkhia pahpah ahihman asi aliam sialua kuamah omlo ban Israel PM Benjamin Natanyahu in nakhat peuhpeuh isepciang thaman akingah ngeina hi ci in nuihsan lel hi.

· 2008 Kawlgam hukhunpi number 436 puahphat nading tawh kisai in State 14 pan mipi thukimna suaikaih Awn 3 vaal kingahta hi ci in July 15, 2014 ni in taangkokhia uhhi. Alangkhat ah Kawlgam kumpi thukhun puahpawl in lom 12 aomna lak ah 4 ciang puahding bang omci in aki etphat laaitak ahihi ci in July 15, 2014 ni in genkhia uhhi.

· Leitungbup Bank ahi IMF ademsing in BRICS kici Brazil,Russia,India,China leh South Africa gam 5 kipawl in Bank khat honkhiat ding in 5 veina akhawmpi Brazil gam Fortaleza khuapi pan July 15, 2014 ni in khensat uhhi. Hih bank in adiak in mizawng gamte panpih ding ci uhhi. Kibelpat nading in China in $41b, India leh Brazil in $18b tuakleh S Africa in $5b leh gamkhat ciang $10b ta tawh bulpan in Bank minding in New Development Bank ciding ci uhhi. Phualpi peen New Delhi ,Shanghai,Mosco leh S AFRICA khuapi munkhat teellaai ding uhhi.

· USA gamte in China tetung pan kumsim in gamdang sang atamzaw siah tax alaaknatawh kisai in mawh uhhi ci in WTO leitung thukhenzum te in July 14 ni in khensat uhhi. USA gamte in China tetung kumkhat siah avaal a alaak uh $Awn 7,200 bang ci uhhi. US lampan bangmah dawnkikna omnaailo a China te ahihleh nuipeupuau uhhi.

· Malaysia gam Johor state sung tuipi tung ah permit neilo Indonesia mi pua in Jakarta Indonesia gamlam amahnawhsawm Gunkuang golkhat adangkhat tawh July 15, 2014 ni in kitaih in mi 2 si a 18 mangthang in 60 kihonkhia in Malaysia thuneiten manphot ci in Malaysia Immigration ten genkhia uhhi. Lungdam, Thang khawm Pauzomi (Bowling Green , Kentucky)