Republican Senators 45 ten Pu Trump Impeachment trial bawl loh ding vote khia uh:

Breaking: Republican Senators 45 ten Pu Trump Impeachment trial bawl loh ding vote khia uh

Zanni tak Senate ah Sen. Rand Paul (R-Ky.) ii thu sunna tawh Pu Trump impeachment trial pen bawl leh bawl loh ding vote khiat na nei uh aa, tualai ah Republican senators 45 te in thu khun tawh kituak lo hi ci in bawl loh ding vote khia uh hi. Republican senators te sung pan Mitt Romney (Utah), Ben Sasse (Neb.), Susan Collins (Maine), Lisa Murkowski (Alaska), leh Pat Toomey (Pa.) ten Democrats te tawh kipawl in bawl tei tei ding vote khia uh ahih manin amau Constituency pan mipi te heh mahmah hi ci uh hi.

Tulai tak Senate ah Republican lam te 50 leh Democrats te 50 ta aom uh ahi hi. Atam zaw thu kimna la ve ve uh ahih manin Pu Trump ii impeachment pen February 8 ciang bawl tei tei ding uh hi ci hi. Ahi zongin D lam ten impeachment azawh nading leh Pu Trump amawh (guilty) nading Senate ii 2/3 vote kisam ahih manin taangtung lo ding theih sa hi ci in gentek uh hi.

Sen. Rand Paul (R-Ky.) in zong impeachment trial i bawl hangin Senate ii 2/3 vote ngah zo loh ding cih tu ni i vote khiatna ah hong lak pah aa, i bawl zongin akhiatna omlo hi ci hi. Senate ah 2/3 vote akim theih nangin Republicans te vote 17 kisam aa, tu aa vote khiat na ah 5 bek in khia ahih manin D lam ten azawh dinguh lamet omlo hi ci uh hi.

US Thukhunpi sungah Senate ah impeachment abawl uh ciang U.S Supreme court Chief Justice Pu John Roberts in hun alet kul aa, ahi zongin Pu John Roberts in sem zo kei ning acih ciangin Democrats ten gel tei tei uh in, amakai dingin Vermont Democratic Sen. Patrick Leahy seh ve ve uh hi. Sen. Ted Cruz in Supreme court Chief Justice in makai kei leh bangcih impeachment bawl thei ding I hi hiam ci in dotna nei pah aa, President lui khat thu bawl cih pen thu khun tawh kituak lo hi ci hi.

More: Donald Trump Pangzang khua ah ~ Pu Thangboi

Pu Biden impeachment zong January 21 ni in House ah kipuak to ta aa, tua zong bang ciang tung hiam kithei nailo hi. House ah belh Pi Nancy mah in thu nei zelh ahih manin hih thu sun na atangtung ding hiam kithei nai lo hi. Zom to to zel ni. Ref: Epoch Times/ Thomas Mung