Shah Alam vengsung Operasi lutin nupi agaikhah mahmahkhat zong kiman
Malaysia, Shah Alam vengsung ah tuzingsang 1am hunpawl in Selangor Immigration Department te’n Operasi bawl uh a, nupi agaikhah mahmah khatzong mankhia uh cih NST pan kiza hi.
Tua nupi agaikhah “Heavily pregnant” pen nau apaaizawh kha 8 aphakhinta, asuak dekkuankuan ahihi. Adang illegal foreigners in aciapteh uh Work Permit kician aneilo honkhatzong kiman a, avekpi in akiman mi 48 pha cihi.
Selangor Immigration Department director Omran Omar in agenkhiatna ah hih Operasi pen nai 2 sung akibawl hi a, Kampung Bukit Naga sung aom nasem te omna Workers Hostel sungteng akisit ahihi ci’n genkhia hi. Akiman khempeuh pen Immigration Laws palsak uh ahih manin amat uh cihi.
Hih gamdangmi akiman te lakah naupangzong 3 kihel cisawnsawn hi. Naupang kumcinglo akiman vekpi pen 3 pha uh a, tuaban ah numei 13 leh pasal 32 kihel uhhi. Akiman tepen kum 3 leh kum 55 kikal ahi uhhi.
Tua gamdangmi akiman tepen Myanmar gammi, Bangladesh gammi, Nepal gammi leh Indonesia gammi cihbang in gamtuamtuam pan kikheltek uhhi.
Video: Heavily pregnant woman among illegal immigrants detained in Shah Alam swoop
Hih gamdangmi tepen Steel bawlna, Plastic Materials bawlna, pongmoh “bread” bawlna cihbang Factory tuamtuam asem uh kici hi. Pawlkhat ansai ah Cleaner asem tezong kihel uh cih kiza hi.
Nupi naupaai asuakkuan akimanpen asuahdong Detention Depot ah kikem photding ci uhhi. Detention Depot cihzong thongkiamah hiveve a, tuazong “humanitarian grounds” in ahehpih mahmah in akituat uh ahihi. Asuahkhit ciangin hong paikhiatna gamah ki puakkikding ci uhhi. Koi gammi cihpen ki gencianlo hi.
Related: E-card bawltheih hunding ani Deadline kikhinto loding hi: Immigration Director
Hih E-card akici Enforcement Card pen Malaysia kumpi in February 15 ni in hong patkhiat uh ahihi. Malaysia gamsung ah Work Permit kician neilo in gamdangmi nasem tamlua ahih manin, tuateng tawmveisung “temporary” naseptheih nadingin avaihawmsak ahihi.
E-card bawltheih hunpen tukum February 15 akipan June 30 niciangbek hi a, E-card aki zattheih hunsung pen 15 February 2018 ciang ahihi. Sawltak #zomidaily
Comment piaknop aomleh...