Zogam niim diildial sak kik ni

Zogam niim diildial sak kik ni

I Zogam ah akisam mahmah khat ahi, anuary 4, ni aa Pa Khup Khan Thangin ong hawm khiat, i Zogam ah ‘ Reforestation kipat nading thu cingtakin ong suah sak pen kuamah ciatin i thupi laak ding hoih kasa hi. I gam ah, adiakin gamdang atungsate, na hawh/ciah kik nai kei uh leh akilamdanna na cian theih khak loh ding uh lung himawhluai hi.I nusiat hun lai tawh nakpi-in ki lamdang zo hi.

Nidangin, Khamtunggam pen, ‘ taw ‘ , ‘gammaang’ sung, ong ki ci hi.Tun gammaang cih ding i nei nawn kei aa, va mu le uh cin lung himawh huai pi khat ahi hi.

A ma gen diudeu mah bangin hici koih mawk ding thu hi thei nawn lo hi. Kua mahpeuhin ihih theih na peuh panin i ngaihsut, hanciam ding thu ahi hi.Sing suan ding i ngaihsut mah bangin, sing i zat loh theihtheih himhim nadingin, sing taangin, electricity, solar, bio-gas ahih keileh, i kiim i paam ah mite zat, gas tawh an huan ding peuhmah i nusiat i sanggam,mipihte ih hatthot ding zong i hanciam ding aa, sing ki tom nawn kei peuhpeuh leh, Reforestation pen ong gualzo hamtang ding hi.

India gam tawh phim-leh-khau bang aa i kizop sawt mahmah khin napi, bang hang aa gas tawh anhuan ding kingaihsun kha lo cih pen thu lamdangpi khat ahi hi.Ih zat ngei sing bek mah tawh an kihuan thei asasa i hih leh kigen, ki hilh huai mahmah ta hi.

Dongno