Tulaai Leitung Thuthang Tuamtuam Updates January 28, 2016

• Kawlgam bup I Mother Party ongsuak ahi NLD te in Parliament Speaker ding asehna uh taangkokhiat na leh kipasakna neita uhhi. Hih bang a NLD in ateelkhiatna tawh kizui in hoih mahmah hi ci in Rakhiang minam Party pan U Aye Tha Aung in genkhia hi. Adang Panmun liante zong kilawm kituak tak in geelsa aneihna thu uh zong NLD makai ten pulaak uhhi.VOA

• America gam sak le khang buppi ah Zika kici natna lungno namkhat kizeelta a mipi million tampi lawhthei ding ahihman in kidawm ciatding in WHO kici leitungcidamna encik pawl in January 28, 2016 ni in genkhol uhhi. Hih natna lungno peen 1947 kum akimukhol hia, Naungeek tuungte ngahthei in ngaihsutna khuak mansaklo, pumpi zawngkhal sak thei ci uhhi.VOA

• Sweden gam sung ah gambeel ngen mipi 80,000 te amau gamciat ah puakkik ding in Sweden kumpi thunei te in geelna neita ci in Prime Minister Anders Ygeman in January 28, 2016 ni in genkhia hi. Sweden gam ah nungkum sung bekbek in mipi 163,000 bang in gambeel ngen a tu a 80,000 kipuak kikding teng peen angahlo teng ci in gen uhhi.VOA

• Yemen gam Aden khuapi sunga Yemen President Abdu Rabu Mansour Hadi Innkiang ah January 28, 2016 ni in bomb puakkham a mi 11 sipah in pawlkhat liam uhhi. Hih Bomb puahkhapna tawh kisai in komau nasep hi ci in IS misok ten taangkokhiapah uhhi.CNN

• Piantit gam Paris khuapi sung a om Disneyland sung Hotel luut na kongpi pan Ngongtat asawm thau 2 apua mikhat January 28, 2016 ni in Piantit palik ten naman man citciat uhhi.Thautawi pa peen kum 28 pha ci uha amin gennuam nailo uhhi.BBC

Lungdam
Thang Khawm Pauzomi