Tulaai Leitung Thuthang Tuamtuam updates December 14, 2015

Tulaai Leitung Thuthang Tuamtuam updates December 14, 2015

* Argentina gam Rosario del Fuente khua kiang Pi 65 asaang leitung pan Mi 50 apua Bus pi khat December 14,2015 ni in kiasuk a atung a tuang mi 43 sipah in mi 6 kihon khiazopan a adang teng awk lai uhhi. Hih misi te peen atam zaw Gamgi cing Palik te vive ci uhhi. BBC

* IS migilo ten Iraq gam Ramadi khuapi December 14,2015 ni in busim uha, Iraq gaalkaap te tawh nasiatak kikap uh ahihman Iraq galkap 35 si in IS lampan bel Amakai khat si ci uhhi. BBC

* President Obama in Pentagon gaalphualpi ah December 14,2015 ni IS tawh kisai thugenna nei a, US in tuma sang November kha akipan IS te dona azahtampi kikhanto a, Tamkhop khat akigawh ban ah IS te mun 40% kilaksak ci in gen hi. Tuaban ah US ten aban a agawhsawm IS makai te minteng gen a, Azom a noteng hi uhteh cih IS makai tetung kam vaikhakna neipah hi. CNN

* IS te guhgaw tak a dozawh nading in Arab gam makaaipi te leh Europe gam makaaipi te thukikupna December 14,2015 ni in Piantit gam Paris Khuapi ah bawl uha, US gam taang in Sectetary of State John Kerry vakihel thei hi. The UN General Secretary Mr Ban Ki Moon leh Syria gam UN palai Staffan De Mistura te makaai in Newyork Khuapi ah December 18,2015 ni IS leh Syria gamvaai nasiatak in kikum ding uhhi. BBC

* Nigeria gaalkaap te in December 13,2015 ni Zaria khuapi sung a om migilo te omna teng buluh uha, migilo 60 vaal golum uhhi ci in Gaalkaap Maangpi Tukur Buritai in genkhia hi. CNN

* Hamas migilo ten December 14,2015 ni in Israel gam tawlam teng ah Siktum pawlkhat nalot pheikha uh ahihman in Israel ten Meh kisam a hitam ci in Gaza a Hamas te kua teng ah Nah Tang Um alomlom in vakhiatphei pak Uhhi. BBC

* Kawlgam 2015 kiteelna ah gualzawhna angah NLD MP thakte thusinsakna December 18,2015 kipan ding a Mandalay Div, Shan State,Kachin State, Chin State leh Kaya State pan MP te kisin masasak ding ci in NLD in December 14 ni in taangkokhia uhhi. Thusina peen alamdangpi khat U Tay Yah neihsa Nypithaw khuapi sung aom Swe San Eng Hotel ah bawlding in AGD Bank ten Sponsor ding ci uhhi.11Media

* US President 2016 taai kidemna ah Democratic Party pan Mrs Hillary Clinton haatpeen 48% tungto ta in, Republican Party pan Muslim te US gam luutsak vetlo in Mexico tawh gamgi ah Greatwall abawlsawm Mr Donald Trump haatpeen in 41% ah kahto ta hi. CNN

Kalungdam

Topa’ Thupha maw leh
Sent from my iPhone