Penang ah numei nawngkaisak Uber Driver hangin mi 8 kiman khinta

Penang ah numei nawngkaisak Uber Driver hangin mi 8 kiman khinta

Malaysia, Penang State sungah Uber Driver kisatgawpna hangin mi 4 kiman cih theStar pan kiza hi. Tua akiman te lakah Uber Driver in abawlsiat a nawngkaisak Vietnamese numeinu zong kihel cihi.

Tua Vietnam gammi numeinu pen zahmawhvai “Sexually harassed” na nawngkaisakse ahih manin hih buaina hongkipan ahihi.

Assistant court registrar Muna Maria Azmi in tuni Friday ni in agenkhiatna ah tua numeinu leh adang akiman pasal 3 tepen avekun ni 4 sung Remand kipia cihi.

Vietnam gammi numeinu pen kum 43 aphakhin khat hi a, adang pasal akiman tepen kum 27 leh kum 32 kikal ahihi. Tua pasal tepen Uber Driver asatgawp, avuakgawp manun akiman ahihi.

Uber Driver pa’n Vietnam numeinu ii akhut letsakin akalkawm zawtsak cihi. Hih buaina apiancil in Vietnam numeinu in bangmah thu bawlsawmlo himahleh Uber Driver in Phone sungpan in samzel in, nawngkaisak ahih manin hiciang buaina apiang ahihi.

Alawmpa agenkhiat ciangin nung Wednesday ni in alawmpa’n pasal honkhat pawlzawn in Uber Driver pen asatgawp uh ahihi.

George Town OCPD Asst Comm Anuar Omar in agenkhiatna ah tua Uber Driver pa’n Vietnam numeinu pen ka bawlsiakei ci’n nial a, banghangin amah hibangin mihon in sat huangawp hiamcihzong kathei kei ci’n genkhia cihi.

Zanni Thursday ni in Vietnam numeinu ii apasal leh alawmte nih kimankhin a, Uber Driver zong zanni mahin akiman ahihi. Tuni Vietnam numeinu leh pasal 3 aki matbeh leuleu hi a, hih Uber Taxi buaina hangin akiman vekpi pen mi 8 bang hita hi.

More: Nupi naupaai khat Uber Taxi tungah damiah tuak ahih manin anau tolh “Miscarriage”

Penang Police te’n hih Uber Driver leh mihonte buaina pen bangcibang taktak hiam cihpen akansan laitak uh cih kiza hi. ZD Sawltak #zomidaily