Tulaai Leitung Thuthang Tuamtuam Updates August 26, 2016

Tulaai Leitung Thuthang Tuamtuam Updates August 26, 2016

– Afghanistan gam tawlam Helmand Province sung a kibusa Taliban khamul migilo te Afghanistan gaalkaap ten asun azan cilo vanlam tawh August 26, 2016 ni in banzial uha, Taliban migilo mi 24 si ci in thunei ten genkhia uhhi. BBC

– Nepal gam Kathmandu khuapi pan km120 akigamlaatna a om Trishul gunpi tungpan Khualzinpua Bus pikhat August 26, 2016 ni in kilumlet in gunpi sung ah kia a mi 21 si uhhi. VOA

– Kum-50 vaal vilvel Tualgaal nasiatak in kido a akhauhpai mahmah khin Columbia gam singnuai mi Farc Tapong te leh Columbia thunei te in langnih kilemna thukimna August 25,2016 ni in suaikaai taktak ta uhhi. Hih suaikaihna mun ah UN general Secretary Ban Ki Moon zong vakihel hi. Kum 50 vaal tualgaal sung in mipi 250,000 vaal in sihlawh uhhi. Hih Tualgaal peen leitung ah asau peen in kiciamteh hi. Theguardian.com

– Asia gam sung ah asau peen tualgaal a akiciamteh Philippine kumpi te leh Singnuai mipi te Norway gam Oslo khuapi ah August 22,2016 ni pan kimukhawm uha, August 26, 2016 ni in kilemna suaikaai theitaktak ta uhhi. Ongtungding October kha ciang nasepkhop ziading kikuto suakding ci uhhi.CNN

– Italy gam zinlinna nawk in mi tampi asihzawh nikhat August 26, 2016 ni in Facebook neipa Ipu Mark Zuckerberg Rom khuapi ah August 23,2016 ni pan vapai a hih Italy gamtawh kisaai dotnop theihnop l a om leh Live in kidongthei hi ci in taangokhia hi.

Khawm Pau