Abaih mahmah lampi 3, sum muhzah khannading ~ Carey Suante

Abaih mahmah lampi 3, sum muhzah khannading ~ Carey Suante

Sum muhzah (income) khan nading nam thum a baih mahmah en dih ni.

Na Sepna:
I sepna pen ei a ding in i go manphapen ahihi. Tua ciang in i sum muhzah (income) khan sak nading in zong a baih pen hi kik bilbel hi. Na sum muhzah khan sak nading in – khasum tamzaw ngen thei, za khanna ngah thei, tua ahih kei leh na nasepna/company laih leteh khasum tamzaw ngah hamtang ding hi teh. A thupipen in, khasum tamzaw leh za khanna ngah taak mi khat na hih ding kisam bek hi. Nasem gina khat na hih peuh leh ngen bek leteh hong kipia ding hi. Baih mahmah hi.

Side-business pan in:

Nasepna kician nei khat na hih leh na sepna mun ah na zat siamnate mah zang in side-business na pan thei kha ding hi. Laigelh, website setup, website design, typing, na boss-pa Power-point presentation bawlsak zel maw, cih bang in nangma business na pan thei hi. A dang khat leuleu, na lunglutna (hobbies) khat peuh sum suah thei (zuak theih) a om hiam kientel in. Camera ziah siam na hih leh, na photo-te zuak tak a suak hiam. Mi’n hoih a sa uh hiam? Blog khat bawl in la upload or Flickr ah upload leteh – mi’n hoih a sa uh hiam na thei pah ding hi. Mi’n a deih leh zuak theih hi pah hi. Tua mah bang in, video, laigelh, leh siamna tuamtuamte a free in broadcast masa in. Na sepna na ngawn taisan thei ding in business picing hong suak thei hi.

Kei-le-kei hong kigen leng: Kei transcription company khat ah ka sem hi. Tua ka sepna ah sin siamnate mah hang in tu’n inn pan transcription, translation leh laigelh (ka hobby) ka sem hi. Ka side-business-te – www.transcriptionHQ.blogspot.com leh TranscriptionistForBloggers.com.

Ka laigelh khat – Sermon Transcription: Spreading the Word – Pastorte thugente bangci leh a manpha zaw a zang ding. Na sim hamtang in.

Hih ka sepnate pan in ka summuhte in ka monthly income (khasum) a replace/laih zawh nailoh hang in, replace zo ken teh ka ci ngam kei hi!

Sum Khol Hahkat in:

Sum khol lian pen baihlo hi. A hizong in hiah baih ka cihna pen the power of compound interest hi. Na sum kholte in interest (a meet) a neihte peen sum muhzah khan nading in a baih pen hi. A kisam khat in, hun (time) ahihi. A hun sawt peuh leh investment (sum khol) peuhpeuh in interest leh income hong pia hi. Carey Suante