Tulaai Leitung Thuthang tuamtuam Update November 17,2016

Tulaai Leitung Thuthang tuamtuam Update November 17,2016

၀-Thai leh Kawlgam gam a micimawh te khualna tawh Zato ahongkhia Dr Sin Thiaa Maung Aidex ten 2016 kum ai mihehpih gaalhang cih pahtawina piakding in teelkhia uha November 16,2016 ni in Belgium gam ah pia khia uhhi. VOA

၀-USA gam Indiana State Indianapolis khuapi a om Kawlgam pan a lal Chin te leh kawlgammi te City Major in kimuhkhoppihna November 15,2016 Ni in nei a Kumpi thak kiteel hang lunghimawhloh ding leh USA gam thukhun zui a nungtat ding hanthawn hi. Minam kim kipawlpan makai te leh Biakna Pawlpi pan Pastor te Upa te kihel kim uhhi. VOA

၀-Nung Kaal sung New Zealand gam sung ah zinlin nahang in asi gay kuahawm kisun nihte peen Pasian deihna tawh kituaka gamta lo uh ahihman asi hi ci in Auckland khuapi a om Destiny Church Pastor pa Brain Tamaki in nungni pi a a sermon peen social media ah nakikhah ahihman in Mipi lungkimlo Hih Biak Inn in kumpi tungpan angah hamphatna te ngahnawnlo in khalna angahna ding un mipi 100,000 in suaikaai uhhi.

Pastor pan Laisiangtho tawh kituaklo cih bangkhat in nado ngamlo in thuum nena mawk ahihman Thu ngetna ah phawk ni. Gam khangto a om Pulpit lam zalian ten ithuak ngamlodingpi te mawkciakciak lohding tuhun media hun ahihman kiphawksak pah hang. Global Times

၀-US President Obama President hihna tawh anunung peen EU Khualzinna sung ah German gam Berlin khuapi ah thugenna November 17,2016 ni in nei a athugen nasung ah US Kumpi kahthak Trump peen Russia tawh kizopna ah adintangsitset ding kisam asakna genbeh hi. Athugen zom in Russia in US langpang in Syria Kumpi Assaad ahuhna, NATO langpang in Ukrain gamkee khat asuhna cihte amangngilh hetlo ding gen a Russia in US ongvalhtum ding alunghihmawhna genbel in nei hi.

President thak Trump in a cabinet zalian ding ateelna ah mipi kamtam citcitna za ahihman in Trump in kuateng zalian a koihding cih peen keibek in kathei a kongpulaak mateng akigente upmawh ahihman in buaikei un ci in November 17,2016 ni in genkhia hi. USA ToDay

၀-US gam thukan Maangpi Director of National Intelligence Jame Clapper in Pu Trum akah nahang in kanasep kaseem nuamnawnkei kakhawl ding ci in November 17,2016 ni in taangkokhia hi.President Obama tutna pan ataaikhiat January2017 dong katu tetading ci hi. REUTERS

၀-President kiteel thak Donald Trump in Tukaal sung Mitt Romney gampua tawh kizopnalam tawh kisai kikumding ka kikuhpihding ci in November 17,2016 ni in genkhia hi. Hibang in ongkimuh takpi uhleh masuan limci mahmah ding ci in thumikhol ten lam en uhhi. ABC

၀-Mozambique gam Malawi tawh gamgi ah Sathau pua Mawtaw pi khat November 17,2016 ni in puakkham in akiim apaam lawh ahihman in mi 70 si in 113 liam ci in Mozambique thunei te in taangko khia uhhi.BBC Lungdam! Khawm Pau