Tulaai Leitung thuthang tuamtuam te May 14, 2018

Tulaai Leitung thuthang tuamtuam te May 14, 2018

Malaysia gam kiteelna ah aguallel PM lui Najib in gampua ah kanupa un kava tawldamnuam uh cin gamdangzinsawn ahihman in gampua pusuak theilo ding in Immigration ten May 12,2018 ni in khaktansak uhhi.BBC

US ten Jerusalem Khuapi ah Palaai Zumpi official in May 14,2018 ni in tuahta uhhi. Hih Palai zumpi atuah uh Gaza leh Israel gamgi dung ah lungkimlohna alak Palestinian te May 14,2018 ni in Israel gaalkaap ten zial uha, mi 52 si in 2,400 liam uhhi. Palestinian mi-40,000 in lungphona alak ci in Israel thuneiten gen uhhi.Hih Palai zum tuahna ongnawngkaaisak suak uhleh US ten zong Tuipi tungpan nahtang um lotding cin gen uhhi.BBC

Indonesia gam Surabaya khuapi ah May 13,2018 ni in Christian Biak Inn mun-3 ah bomb puakkhak a mi-14 si in 41 liam uhhi.May 14 ni zong Palik zum ah bomb puak in mi pawlkhat liam hi. Hi bomb puaksak te IS hi in Syria gampan ongciahte cin thuneiten gen uhhi.BBC

Kawlgam President thak U Win Myint ongkah khit a kipan golhguukna tawh kisai akanpawl limtak puahkik a tulaitak Ulian sung nasiatak in kacianna nei hi ci in VOA May 14,2018 ni in gen hi.VOA

India gam West Bangal kuam kiteelna ah May 14,2018 ni in Vote khia mipite kikaal buaina lianpi piang a kilaigawp uh ahihman in mi-5 si in mi-14 liam uhhi. BBC

Iraq gam kiteelna abawlsaan laitak uh hi a tulaaitak a kumpi semte alangpan Shia Muslim biakna bulphuh Muqtada al-Sadr pawlpi te in gualzawhna lam manawh ci in Iraq election Committee in pulaak uhhi. Washington Post

US First Lady Melania Trump akal hoihlo ahihman in atkul a Walter Reed National Military Medical Center ah lumlaaitak ci in White House ten May 14,2018 ni in taangkokhia uhhi. FOX Leitung thuthang tuamtuam