Malaysia gamsung huih siangtholo leuleu

Malaysia gamsung huih siangtholo leuleu

Abeisa kum mahbang in tukum zong Malaysia gamsung ah huih siantholoh hongkipan zel hi. Tusungteng mun khempeuh phial ah meikhu omkawikawi a, hih meikhu hangin gawlsung ziasak, dang taaksak in nopmawh mahmah hi.

Tuzingsang 8am hunpawl in Port Klang kuamsungteng akitehna ah API 88 hi a, alaihawl pawl ahihi.

Hih huihlak sianthona akiteh ciangin “Air Pollutant Index” ci’n atomin API kici hi.

• API 0 – 50 kikal pen huih siangtho mahmah (good air quality)
• API 51 – 100 kikal pen alaihawl pawl (moderate)
• API 101 – 200 kikal pen cidamhuailo (unhealthy)
• API 201 – 300 kikal pen cidamhuailo luamahmah (very unhealthy)
• API 300 pan atungsiah pen lauhuai luata (hazardous) cihbang in ki ciamteh hi.

Malaysia Department of Environment te ii website ah asuahsakna ah hih anuai a vengteng pen alaihawlpawl kici hi.

• Shah Alam (84),
• Banting (80),
• Kuala Selangor (77),
• Putrajaya (76),
• Petaling Jaya (74),
• Indera Mahkota,
• Kuantan (73),
• Nilai, Batu Muda, Cheras (71)
• Kuching (70)

Ahunhun in khuahun meikhu tawh kisai na etnop uhleh amau ii website apims.doe.gov.my ahzong ki entheiden dinghi.

Hih meikhu hongki patkhiatna pen adanghilo a, Indonesia, Sumatra kuamsungteng gam kihalzel ahih manin akiim apam aomteng meikhu in hongkhutgawpzel ahihi.

Singapore gamsung bulphuh in aom ahi ASEAN Specialised Meteorological Centre te ii genkhiatna ah Indonesia gamsung gamkangpen amun ki behlaplap zawlai cimawk hi.

Hih meikhu pen hongvenpak keileh Malaysia gamsung leh Singapore gamsung in limthuak mahmahding hi.

Hihbang in meikhu atamciang in tui tampipi dawnding hoihpen a, ahihtheihleh apualam tamvakkhiat lohding hoihhi. Ahih theihleh muktuam Surgical Mask thuahtangtangding zong thupi hi. ZD Sawltak #zomidaily

Zomi khatpeuh in leitung thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!