US te nungkik sawm nawnlo
Sente thukansim Juan Tang a ki matzawh a sawtlo in US gamsunga Sente thukansim mi 4 matbeh lai uh hi. 3 pen thong khum dingin vaihawm uh a, khatpen thusitlai hihtuak hi.
Sente’n ‘tua bang a mi na mat uh, na mawhmatna taktak uh om kei’ a ci laitak, a matte sungpan Singapore gammi ahi Sente khat in ‘Sente aadingin thukansim ka hi mahhi’ ci in na sianggen hi. Hivai ah US leh Sen buaina hong khauhpian hi.
US te neih galvan control na khempeuh a susia theiding ka bawlzo uh hi ci in Sen in gen a, ahizongin Iran leh Israel kikapna ah Iran hong huh ngamtuanlo hi. Huh hileh US in Israel huh in, Sente a vikpah nuam a hihi. Hih ngaihsutna ah US te a deihbanglo cih ding a hihi.
US in Sen kap nuam mahmah a, Covid khitpan kipan US gamsung a, makai te’n Sen do ding cihtawh mee zong tahial uh ki ci hi. Ahizong Sente na pil khinkhian hiam, thang antah na nelo kiaukiau hi.
US pen gam neu mahmah khat hinapi galvan lam ah sum a tamzatpen gam a hihi. A gal phualzong Europe gam ah nasiatak in khat koih a, Russia a panna hi gige hi.
South China Sea leh Japan ah nasiatak in khat koih a, Sente a pankholhna hi zen hi. Himunpan ciahkik sawm nawnlo uh hihtuak hi.
Trump in leitungbup ah US a masa ding cih lunggulh mahmah a, a gam sunga mi mawklut, sumbawl sim cihte khempeuh khaktan hi. Maxico gam gi a, gam umna a bawlna in teci hong lak mahmah hi.
Ahizongin Trump ngaihsutna a deihlo zong US gamsungah 45% bang om veve ahihmanin Trump aading lauhuai simpian hi.
Trump in a ma thu in Jeruslem pen Israel te pia hi. A ma mai a kumpite thukim na a hi, nulenu, palepa kitenna te nial hi. Laisiangtho bulphuhkik hi.
US kumpi khempeuh a paina Muslim te pawipi ah a pailo Trump bek hi a, Trump tungah Christian lote na lungkim hetlo hi.
Israel te lungkim phadiak uh a, Trump pen Isreal minam, David suan hi ding hi cihzah dongin na ngaihsun uh hi. Jew mipilte in a pilna uh tawh, a DNA a kipan, a khantangthu naktak in kancian mahmah uh hi.
Tulaitak dinmun lian a hileh kitelkik ah Trump in ngahthei ding ki ci hi.
Sente hauhna pen leitung minamdangte suksiatnopna hizaw hi ci in US in ngaihsun a hihmanin Sente sumbawlna leh khantohna teng khakcipsawm hi.
Tua kawmkal ah Kawl gam galkap makaite in Sen tawh kipawl ding na hanciam sawnsawn uh hi.
Kawlgam ki telkik ah, NLD in a zawhkei leh mi taihinn sangpipi tungah a omlaitak, Kawlgam pen sual tungpan leivui lakah i tuahsukkik kul ding hi.
More: Gamgi vai in China leh India langnih galkapte ki galging uh
I mee tangkhat tawh NLD mah i piak a kul himai ta hi. Tua hikeileh i neihsa, a leitang, gamsung sumpiang khempeuh bekhilo a mi mahmah Sen gam ah hong kizuak ding dahhuai kha ding hi. Siamsin Library
Comment piaknop aomleh...