Trump cinna tawh kisai kua te’n banggen?

Trump cinna tawh kisai kua te’n banggen?

*”Hih bang hong piang ding pen (president kiteelna results) na nakpi takin i sem thaman leh i deih hi vet lo hi. Hih kiteelna ah gualzawhna i ngah zo loh pen poi kasa mahmah hi. Hih bang hong pian’ ding pen i (US ten) neih khawm manphatna (values) leh i gam adingin thusaupi muh/geel kholhna hilo hi” – Hillary Clinton

*”African-American khempeuh aw, ka goluah/innluah, a kiluahsawnto, gamtatzia/nasepdan kiluahsawn,(legacy) a kizop theihna dingin Hillary vote na pia kim tek un. Na piak kei uh leh nong simmawh bawlna uh leh nong ho gawpna/hosiatna (insults) uh bangin ka ngaihsun ding hi. Trump in ka goluah/innluah pen hong hosiatsak (insult) ding hi,”

– Barack Hussein Obama in Sept. 16, 2016 in Congressional Black Caucus dinner hun-ah a thugenna ah a gen.

“Trump in, ‘gambup kipumkhatna ding leh a beisa hunin liamnate (kiteel ma-in hunin vote zonna ah) hangin kikhennate tuam hun ta hi,’ cih hong gen (a cin’ khitin a gen) pen lungdam mahmah ing. Kipumkhatna dinga nasepkhawmna ding lamen in i ngak hi”.

— Obama (in zanin White House, Rose Garden ah a gen. Vice-President Joe Biden in zong vanlam a et leh sang sa mahmah hih tuak).

*India-US in gam nih kikal ah kizopna (bilateries ties) a sangzaw ah a om theihna dingin nasep khawm ding kingak in, ki-en hi.

– India PM Modi.
*US President dingin Trump hong cing ahih manin Russia in US tawh a beisa hunte ah kizopnate (Obama hun panin US leh Russia kikal pen Cold War bei khit nungin a siat pen hun hi kici hi) a ngei tawh kibang kik sak dingin Russia man sa-in ki-om hi.

– Russia President Putin.
* Nakpi takin hanciamna tawh US President thak dingin Trump a cin’na hangin ka lungdampih hi. US tawh a beisa hunin trade, security leh defence ah US leh Britain kilawmtatna a ngei mah kibangsak ding hi.

– British PM Theresa May.
*President dingin Trump a cin’ manin ka lungdampih hi. Ama’ hun (term) sungin kilemna leh daihna (peace) a om/pian’ ding ka lamen hi.

– Palestine President Mahmoud Abbas.
*Gam nihte hamphatna ding leh leitung bup hamphatna dingin leh khangtohna thupi zaw sem om theihna dingin US President Trump tawh na kisem khawm ding hi.

– Chinese Foreign Ministry.
*Hih thupiang (Trump cin’na thu leh US kiteelna result) pen Germany gam-a mi a tamzawte deihna hilo hi. Ahih hangin kizahtakpih ding hi.

– German Foreign Minister Frank-Walter Steinmeier
*”Hillary gibeem/thong inn ah khum in, Mexico-US gamgi ah kulhbang bawl in,”

– Trump gum pawl
Hih bangin lungdam in Trump gum pawk a ot lai un Hillary gumte pawl kap ngeingei in, pawl khat kihehna in kikawi uh hi.

Hillary leh Obama kimuhpih thei ten manlang takin na kimuhpih ta peuh un la, na hehnem un .. hehpihhuai lua uh hi. Thang Khan Lian