Malaysia: Huihpi leh guahpi kithuah in Kelana Jaya LRT Station atungkhuh teng mutkhia

Malaysia: Huihpi leh guahpi kithuah in Kelana Jaya LRT Station atungkhuh teng mutkhia

Tuni Saturday (Mar 03) sunkimpawl in huihpi leh guahpi kithuah in, khauhlua mahmah ahih manin Malaysia khuasung kikawmna meileng Station khat ahi “Kelana Jaya LRT Station” atungkhuhteng mutkhiagawp cih theStar pan kiza hi.

Huihpi leh guahsia pen khauhmahmah in, LRT Station atungkhuh teng mutgawp in kileugawp hi. Ahi zongin asi aliam bangmah kizakna omlo bilbel hi.

Rapid KL te’n Statement akhahkhiatna ah guahtui tamlua, huihpi hatlua ahih manin Kelana Jaya LRT Station ah nasem Operators te’n kidalkholhna Security Reasons ngaihsutna tawh Station pen khakcipphot uhhi ci’n genkhia uhhi.

Hih Kelana Jaya LRT Station anawkkha ahi Gombak leh Putra Heights kikal akileh meilengte pen Kelana Jaya LRT Station ah khawllo in, taisuaksak uhhi.

Ahi zongin Kelana Jaya LRT Station geinai ah apainuam tepen Taman Bahagia LRT Station ah kituakthei a, tuapanin Passengers te puaksawn nadingin Shuttle Bus pawlkhat kitaisak hi.

Hih Kelana Jaya LRT Station vaitawh kisai in thuthak khatpeuh Update atheinuam te’n RapidKL’s Facebook Page leh Twitter Account te panin Update kibawlzelding cihi.

Prasarana Malaysia Berhad (Prasarana) te’nzong agenna ah hih Kelana Jaya LRT Station pen atungkhuh te puahphat kulding ahih manin, aki khakcip ahihi. Hih hangin khuasung vaksuk vaktohna anawngkaikha khempeuh hongthuum uhhi. Passengers te ii Safety pen athupipen kamawhpuak uh ahih manin, aki khakcip ahihi ci’n genkhia uhhi.

More: Malaysia LRT meileng sungah numei te akhoih kawikawi pasal khat kimanta

Kelana Jaya LRT Station pen nitak 4pm hundong ki khakciplai a, Station atungkhuh te ki bawlpha in, nimthem khempeuh ki hahsiangsan cih kiza hi. Sawltak #zomidaily