India sum kumpi in asihsak manin sum ki halta

India sum kumpi in asihsak manin sum ki halta

Nov. 10, 2016: India Prime Minister Narendra Modi in Tuesday nitak in Rs.500 leh Rs.1000 laite diphuatna leh lauhna piangsakte (terrorists) dalna ding, sum kibawl tawm/sum limte (fake currency) sihsakna ding leh siah piak nuam loh manin sumvom (black money) kem mihaute dona dingin kisisak (demonetisation) ding hi ci-in pulak hi. Hih thu hangin UP state sunga om Bareilly khua-a Parsa Kheda road kicihna ah sum ip golte (sai-ip/sacks) tampi kihal a, company khatin tua sum kihal paai dingin nasem guai uh hi ci-in police ulian ten pulak uh hi.

Police ulian ten amasa pen ngaihsutna leh thuzakna (prima facie) panin tua sumte kisattan masa in, khitin kisusia a, tua khit teh kihal hi ci uh hi. Police ten a sia lo teng la kik in hih thupiang Reserve Bank of India (RBI) uliante tungah zasak uh hi hi.

Prime Minister Narendra Modi in Rs.500 leh Rs.1000 lai a sihsakna hangin sum luite sum thak tawh laih ding leh bank ah sum khek nuam tam lua ahih manin Nov. 12 leh Nov. 13 zong bank kihong ding hi (Nov. 9 in bank leh post office khempeuh kikhak hi) Rs.500 leh Rs.1000 lai suakthakte pen Nov. 11 ciang a kipanin bank panin kingah thei ta ding hi.

KHUANUNG THUSUAK

Rs.500 leh Rs.1000 sihna hangin –
1. Kumpi in Rs.1.5 – 2 lakh tan mimal Bank/Post Office Account a koihte bangmah cih lo dingin ciam hi.

*Hun Hong pai leh a kamciam uh a, palsat ding hiam bel kitheih lo hi.

2. Bank/Post Office ah sum na koih ding leh na matpong/letmat(ID Proof) leh a copy khat kisam hi.

3. Hih sumte 12.11.2016 tan Metro Train – Delhi, Kolkata leh Mumbai ah zattheih na’ng zanin thusuak hi.

4. Rs.10,00,000 tung lam na koih/deposit a, na siah (tax) piakna laipi tawh (Income Tax Return) a kituah kei peuhmah leh siah pia lo/seel (Tax Evasion) in hong kikoih pah lian ding a, na siah banah daan/gawtna (Penalty) 100-300% hong kigam lai ding hi.

#Mihaute aw, na sumte hih a nuai-a maan bang liangin na zat sang un cimawh genthei, daipamte huhna ding leh ngette in a nek theih lohna, ganhing leh vasa teng a tuahmang/tuatcil theih lohna mun leh zusa ten a cip theih lohna munte na koih mengmeng zaw lel un. -Zee News/ Thang Khan Lian