‘Trojan House’ Reports
UK gam, Birmingham khuasung ah kumpi sang pawlkhat ah Muslim te in, Muslim upna leh ngeina te hilhtheih na ding a hanciam na te uh, kumpi (House of Commons) lam pan a kankhia ding in a kisawl Education Commissioner Peter Clarke muhkhiat na a kicing in kisim thei ta hi.
Muslim te in hih pan kumpi sang te a laksawp (guklak sawm) na uh pen ‘Trojan Horse’ operation ci in, tanglai Athens leh Spartacus te gal kido lai in azat uh a hi, Sakol lim tawh genteh uhhi. A ngimdan, a sepsawm te na sim le uh cin, Muslim te gamtat dan leh Khakhal (CNF) gamtat dan te kilamdang lua lo hi. Thu hoih thu dik tawh kalsuan te a hih het loh lam hong ki langsak mahmah hi.
Sang ki-ukna sung te buaisak ding, nawngkai sak ding. A nawngkai theih nang thu bawl tawm ding, tua pan in sang siapi te in sang limtak in uk zolo ci in mawh sak ding, a nasep na pan a khawl na gotbawl (pressure) pia di.
Siapi a tawp khit ciang Siapi thak mun ah Muslim te khat a hih kei leh Muslim te zawh ding mikhat guang ding. Tua hi leh tua sang pen Muslim te deihbang in nasem thei ding cih dan hi.
Zomi Baptist Convention vai khawng, Chin leh Zomi vai khawng tampi tak mikha ah hong mu sak dandan leh ki lawm ei… a sim huai leh a theih huai thu khat in ngaih sun ing. Reports pen a vekpi in laimai 129 pha hi, a hi zong executive summary teng (lai mai 2) sim khin peuh leng a kicing khin phial hi.
Case study teng lak pan a lunglut huai leh a sim nop mahmah khat pen ‘The Saltley Story’ a cih hi in page 22 kipan hi. Tua tak ah a sang siapi pa a hi, Mr Balwant Bains mawh nang a hanciam na te uh, sang sung ah buaina a bawl dan te uh, a kicing tak in ki gelh hi.
Na sim ding nop leh a nuai link pan in nuam tak in kisim thei ding hi. http://goo.gl/gK2wVW
Tel lo na khat peuh na neih leh lung hiang lo tak in hong dong kik in. Zomi sung ah, CS Dal (Policy Analyst, Department for Education, London, UK)
Comment piaknop aomleh...