Transgender Athlete Lia Thomas in NCAA Swimming kidemna ah Champion ngah

US News: Transgender Athlete Lia Thomas in NCAA Swimming kidemna ah Champion ngah

US gam sung om University leh College Sangnaupang te Kimawlna lam kidemna National Collegiate Athletic Association (NCAA) Tournament ah Transgender akici Pasal van pan Numei van alaih Lia Thomas in “500 Yard Numei Tuipeek (Swimming)” kidemna ah akhatna ngah in Champion ngah aa, US gam sung Kimawlna lam ah buaina lianpi leh kinialna lianpi piangsak hi. Lia Thomas pen University of Pennsylvania pan hi aa, Transgender lak pan Champion angah masa pen ahi hi.

Republican Florida governor Ron DeSantis in Lia Thomas in Champion angahna pen thu maan hi lo aa, ngah ding kilawm het lo in mailam hun ah hi dan buaina tampi hong piang to to lai ding ahih manin Numei te ii ngah theihna (rights) te kisum ding hi ci hi. Lia Thomas pen Numei van alaih zen zen hang atha pen Pasal tha mah hi lai ve ve ahih manin Numei te sungah kidem ding hi thei lo hi ci uh hi.

President Pu Biden Kumpi hong kah zawh lian ciang abuai huai mahmah Executive actions tampi letmat hong thu aa, tua lak ah Transgender akici Pasal van pan Numei van laih te Kimawlna (sports) te ah Numei mah in kidem ding cih thu piakna executive order letmat thu ahih manin kimawlna aa akihel numei tak tak – Female athletes te in nakpi takin nialna bawl in alungkim lohna te uh pulaak khia uh hi.

Tua ma in zong US Congress sungah Democrats ten hi vai tawh akizawi tawn thu sunna tampi nei uh aa, Republicans lam ten Pasian thu tawh kituak kei ci in nial bawl uh ahi hi.

More: Khazih saptuam leh Zomite’ mailam ~ Pau Do Lian

Republicans lam te leh Pasian nasem Pastor tampi ten belh Pasian in Nu leh Pa hong bawl hi aa, Nu leh Pa van laih cih pen Pasian thu tawh kituak lo in kimawlna ah van laih te kihel cih pen Leitung pai dan tawh kilumlet hi ci uh hi. Mailam ah hi vai thu buai na hong om to to lai ding hi ci uh hi. Ref and credit: The Guardian, CNN Thomas On Sian Mung (Thomas Mung Guite) Washington D.C March 23, 2022