TransAsia vanleng khat Taipei ah kia, mi 8 sikhin

TransAsia vanleng khat Taipei ah kia, mi 8 sikhin

Taiwan gam ii khuapi ahi Taipei City panin alengkhia TransAsia vanleng pen alenkhiatkhit asawtlo in kia ahih manin mi 8 peuhmah sipahding hi ci’n Associated Press te’n pulakkhia uhhi.

Wednesday ni zingsanglam thupiang hi a, Airport pan alenkhiat khitzawh asawtlo in lamzikpi tungah akilam meikhuam tausang khattawh ki phukha ahih manin, apam a luisungah kiden naphei cihi.

Hih TransAsia vanleng tungah mi 58 atuang hi a, Taipei khuapi panin Kinmen Island lam zuanin alengkhia ahihi ci’n Central News Agency in Official in pulakkhiatna nei uhhi.

Rescue Operation tezong Rubber gunkuang tawh kipeipah sapsap uh a, ahotkhiat theih nading uhleh a vanleng alakkhiattheih nading un buai mahmah uhhi.

Hih Wednesday akia TransAsia vanleng pen amau Company ading in mi tam asipen nihna ahihi. Nungkum July 23 ni inzong TransAsia te vanleng khat Taiwan gamsung Penghu Island aom Magong acihna munah kia ngei a, mi 48 sipah in, adang mi 10 liamgawp ngei hi. ZD Sawltak