Topa ngak in ~ Lalmuana (Mizoram)

Topa ngak in ~ Lalmuana (Mizoram)

1. Thu umte’ sungah leitung itna a om’leh Pasian in na sem theilo a, leitung nate i sihsanleh Pasian in na semlo theilo hi.

2. Mo thak Ruth a lametna bei hitaleh, Betlehem dong a teeknu a zuisuak hi. A teeknu tungtawnin mihau Boaz tawh kitengin, a suan sung panin leitung honkhiapa Jesu hong piang hi.

3. Haksatna a thuak teiteite’ tungah Pasian in Leithupha Vanthupha a pia hi. Haksatna a pelhte in ahihleh a vekin a taan hi.

4. Jacob in a u-pa Esau’ min tawh thupha ngah-in, a u’ pianzia tungtawnin Innluah za a ngah mah bangin, i U Jesu’ min leh a zia tawh Leithupha leh Vangam i luah thei ding hi.

5. Thawhkikna vangliatna in han suangpi a sawnkhiat mah bangin, Jesu Khris na sung panin tho sak lecin, na lungkhamna, na launa, na kihtak takte a sawnkhia mang ding hi.

6. David in a kumpi puan suahkhia a, Siampi puan silhin Pasian a hopih ciangin, a zi a tate leh a neihsate a lakkik zawh mah bangin, ei zong i zi i tate leh i thupha khempeuh Satan’ khut sung pan i lakkik zawh na dingin, i silh lai (i milui)suahkhia-in, Siampi puan(Jesu Khris lungsim) silhin Pasian kiangah kiko leng, i zi i ta, i thuphate i lakik zo ding hi.

7. Hunhoih sungin ‘Topa ngak in’ cih pen kisam lualo thei hi. Ahi zongin haksat hun ciangin Topa ngak manlo-a kipumpek ol mahmah leuleu hi. Hih guam sung pen a paisa misiangthote in zong a mukhial den uh hi.

8. Pawlpimite cina i om ciangin, ‘Koi lai zato hoih pen, kua siavuan siam pen’ i cithei den hi. Pawlpi upa pawlkhat nangawn in, ‘Kua kha-mi pen’ kici lai hi. Lai Siangtho in, ‘Pawlpi upate sam hen’ cilel hi.

9. Khris tawh sihkhopna pen nuntakna lakah a nuam pen ahi hi. Nei venvan takeileh lungmang ngeilo hi. A piangsakpa tawh omkhawm peuhleh a piangsak thei lai ahi hi.

10. Lazaras a sihma-in Jesu kiangah ko man napi-in paipah lo a, a sihkhit ciangin a pai pan hi. Tua mah bangin i cihmawh kikonate a hun lai-in hong kidawnglo thei a, i lamet bei khitpek ciangin hong kipan pan thei hi. Tdkhen