Singapore gamsung ah Malaysia gammi 2 Motorcycle tuahsia

Singapore gamsung ah Malaysia gammi 2 Motorcycle tuahsia

Singapore gamsung aom Seletar Expressway kici lamzikpi tungah Motorcycle atuangkhawm pasal nihin amai ah mawtaw akhawllai khat phukha in vandawn ah kilawnto valvalliang uhhi.

Nung Monday ni in atuahsia uh hi a, hih Accident apianlaitak agei aom mawtaw sungpan in Video Record kibawlkha ahih manin, tua Video Clip pen Social Media tungah ki thehzak hi.

Motorcycle khattung ah atuangkhawm nih tepen Malaysian gammi kici a, kum 24 aphakhin Danny Raj Muniappan leh kum 21 aphakhin Trivikram kici hi. Changi Airport sungah nasep amankhit ciangin Motorcycle tawh aciahkhia uh ahihi.

Changi Airport ah Certis Cisco Officers tuak hi uh a, nasep amankhit ciangin Singapore pan Malaysia zuandingin Woodlands Checkpoint apailaitak un atuahsia uh ahihi.

Video sungah mawtaw khatpen “Hazard Lights” kihongsa leh anung kongkhak kihongsa in lamgei khatah khawl hi. Tua mawtaw akhawl ahihlam theilo in Motorcycle tawh hathawl mahmah in aphukha uh hi a, vandawn ah kilawnto valvalliang in cikziat huai mahmah hi.

Leilak atuksuk kikciangin agei ah mawtaw ataivalval te’n nawkkhalo bilbel in, anih un silo cihi. Asihloh hangin limliam mahmahtuak uh ahih manin Khoo Teck Puat Hospital ah kipuak uhhi.

Video: Two Malaysians seriously injured after crashing into stationary car in Singapore

Zato pan agenkhiatna ah si tampi luangkhia in, akhut akhe uhzong aguh tampitak kitangawp cihi. Hih atuahsia tegel pen lawmta aki itmahmah uh ci a, Motorcycle zong aleizawh kha 6 khawngbek hipan hi. Malaysia panin Singapore ah nisim in nasem in tua Motorcycle tuangkhawm in akilehden uh cihi.

Related: Kum 2017 April 15 ni a ZCD zumpi Tedim ah CEC kamkup thukhensatna

A nasepna uh Certis Cisco Company paninzong ahithei bangbang in huhding cih genkhia uh a, naseppih lawmlegual te’nzong zato ah vehin thapiakna nei uh cih kiza hi. Singapore gamsung ah nungdiak inzong Motorcycle Accident piangthei zelzel a, Motorcycle Accident apian ciangin Malaysian gammi te hipianden mawk hi. Midang te sangin Traffic Rule pen zuilo zawhamtang uh hileh kilawm hi. Sawltak #zomidaily