Leilum khua ~ Zam Khen Mang

Leilum khua ~ Zam Khen Mang

Gurkha te teenna Leilum khua ah Japan gal khitin khua 32 pan kampau nam 10 te teengkhawm hi. Tedim khuapi ii Yatkwet khat ahihma in khuano (ေက်းရြာ) khat hi. 1974 kumteh Yatkwet ngah hi. A teeng mi te’ Kampau tuamtuam leh khuaminte:

1. Saizang pau: Saizang, Sezang, Vongmual, Aipha, Mualpi, Kaptel, Thangzang, Phaiza, Muizawl khua 9

2. Phaileeng pau: Phaileeng, Lunmual, Philnak khua 3

3. Dim pau: Dimlo, Tuicinlui, Laitui khua 3

4. Teizang pau: Heilei, Pangsak khua 2

5. Khuano pau: Suangpi, Muallum khua 2

6. Paite pau (Val pau): Valvum khua 1

7. Sihzang pau: Thuklai khua 1

8. Vangteh pau:Vangteh khua 1

9. Ngawn pau: Saimun khua 1

10. Tualo teng koTedim pau ci ung. Tonzang, Lamzang, Tuitum, Lezang, Buanli, Gamlai,
Tongsial, Gawngmual, Kahgen khua 9

Lusei te inn khat, a khua theilo. Gurkha te ka neulai in inn khat, adang te Maymyo leh khuadang, Sakollam khawng ah lal uh.

Pau nam tuamtuam, khua tuamtuam pan ka hih uh hangun nuam kisa in ki it mahmah in ka teengkhawm uh hi. Leilum Vaangkhua kaci uh hi.

Zalui mawtaw lampi akiziik lai in Myoma Yatkwet te tawh kizom kha, Leilum te gal phinphin vial uh hive’n Leilum te’ TawkThang kici Khai Dal in suangkalhna Siksempi pi 6 sau khat tawisa in Myoma te geidong paiphei in

“Ahat pen 3 ong pai, hi siksempitawh naha uh holhkhia nuam ing” ci hi ve’n akihatsak mah mah a Hausapa uh Gin Do Lian bang aimitdeh bangpah khepkhep kici hi.

US Kumpi innsung ah MAI MAI LO Leilum khuami khat om hi. Leilum aa teeng ko khuami kua hiam ci aa a thei nuam i om khak leh comment pan ong dong thei. At khialh om in um ke’ng. Zam Khen Mang 9-10-2018 9:32 PM