Thuthak Tomkimcing 14 Sep 2014

Thuthak Tomkimcing 14 Sep 2014

A. Driving Licence Smart card bawlman khang

Mizoram sung ah Driving licence smart card bawl ding acih hun in Rs 95/- beiding cih sa hi napi in ataktak hun ciang in Rs 295/- kumpi la uhhi. Motor neite Registration Certificate ding in Rs 200/- la uh a, Smart card ding Rs 95/- la uh hi. Smart Card Counter ah Counter fee Rs 20 la sawn lai uh hi.

B. Zokhuathar pan Myanmar Buh tangla ding

India- Myanmar kizop na lamzinpi No. 2, Ciau khuamawi -Zokhuathar pan Myanmar buhtang lading in Union Trade & Commerce Ministry Official General Manager B.Tayeng leh Director Anand Trivedi gelna nei uh a, Champhai pan in Parliamentary Secretary Pu TT Zothansanga in masuan lak ding mapan na tangko khia hi.

C. Hakha khuapi ah mipi te sumlut tam semsem

Hakha khuapi city asuah nading nasia tak in mapan lakna om a, Lampi , Mei , Tui, leh Kumpi inn te akipan tampi tak Hakha Draft Master Plan kiging phitphit uh hi. Tuciangciang khuapi ki puahna tawh kipawl in kumpi nasem ahilo mipite in tualsung sum kilawh na mundang englo tak in sum lutna nei uh hi. Khuapi sung mehgah mehteh, , niangtui leh moh zuak bek inzong nikhat nasep tawh innkhuan sung zing leh nitak neek khomkhom ding summuh na neita uh hi.

D. Myawady ah Vanpua mawtaw 30 kikhak te phalna kipiata

Myanmar kumpi phalna tawh Thai gam Mesai apai gammite Thai palik te in sum la den uh ahih man in Thai pan in Myanmar gamsung honglut vanlompi pua mawtawpi 30 PC Peace Council pan in Colonel Tiger te in Thai ah ciah sak lo in khak koihcip uhhi. 13 Sep 2014 ni in akhak cip navai Sun kimpawl in Myawady – Mesai langnih tuak thunei te kiho lemtuah kik khit uh ciang zalenna tawh Thai gam ciah thei uh hi. Hau Thang