Zomi te’ Zudah Siakazoh i hihkhak ding lauhuai

Zomi te’ Zudah Siakazoh i hihkhak ding lauhuai

I theihsa tek mah bangin Chin state sungah kawlte’ hong sehsaat namneu code 53 om hi. Tua 53 sungah Chin code cihkhat omlai lai a, a code 53 buppi zong Chin mah hive ve zeel hi. Hong khemzo mahmah uh cihna hi.

Chin state sunga teeng mite’ lak ah “Chin” min adeih lua om in ka umkei hi. I nam min hilo limlim hi. Tuate’ sungah Laimi akici te in Chin state mibuppi pen “Laimi ” in ciamteh uh a, Zomi akici te in zong Chin state mibup pen “Zomi” in ciamteh uh hi. Hih i lunggulh na tuak pen thuhoih ahita zongin apianghak mahmah ding Thu ahi hi.

Hihthu teltak a, amukhia imuan’ isuan’ i Zomi i mipil i makai te in, tutung a Pasian hong geelsak i hun manpha (census) sungah, kamphen kamlet akullo Zomi tengin i chin (4…) code te nusia in 914-Zomi gelhtek ni, Zomi ah tuibang kigawm ni ci a hong tangko uh ahi hi. Pasian thukim pihna om ahih manin 100 ah 90 bang ki gual zo hi. Bektham lo in UNO ah zong Zomi min tawh innkuanpih ciamteh na i ngahlai hi.

Hicibang din’mun ah Topa’n hong lapsang takciangin dawimangpa zong omkhong zo nawnlo hiding hiven Zudah Siakazoh zangin Zomi nam te buaisak ding, leheek ding hong kipan ta hi. Zomi Zudah Siakazoh dingpen dawimangpa’n kua zangding cih genkholh theih om lo hi. Nangzong hithei, keizong hithei, code neuneu tezong zanghthei hi.

Hihte zang in Zomite’ kikhenkhap nading, Zomi te’mailam kalsuan nading nawngkai sak in, ahih theihzah tawh khaktan dingin dawimangpa ki nakthawi mahmah hi. Laigelh lai-at te kidawm ni. Kampau mukhaam kikeem ni. Hunsak phot vai. Zomi te’ Zudah Siakazoh i hihkhak ding lauhuai……….. Mun Khai’pa (Kuala Lumpur, Malaysia)