News In Brief: Thuthak tomkim ~ The Tedim Post (25 Aug)
NLD Khangnote makaihna tawh Lawibual veng, khang sang tualpi ah akibawl NLD Futsal Cup nuam tak kizo hi, cih thu kiza hi. Futsal team 16 pha in Champion – Sakollam FC, 1st runner up – Omega FC, 2nd runner up – Star FC leh 3rd runner up – Lengtong FC ten ngah uh hi.
August 23, 2020 ni-in MOHS in a tangko khiat India pan hong ciah Tonzang Township, Cikha Khuapi ah Quarantine aki koih Tedim Township a om Kum 24 apha Case 442 pen nitak lam nai 6:00PM hunin Cikha khuapi pan Tedim Zatopi ah hong tung ta ci hi.
2019-2020 Laisin kum Falam District sung pan Pil tungtuang (လူရည်ချွန်) sang naupang 6 te pahtawina piakna August 21, 2020 ni-in Falam Khuapi ah ki nei a, 1. Lal Pek Thuam (Falam, Tan 8) 2. Lydia Cing Khawl Huai (Falam, Tan 8) 3. Thein Min Oo (Falam, Tan 9) 4. Dawt Te (Falam, Tan 10) 5. Dal Nem Lun (Tedim, Tan 9) 6. Kam Sian Mun Khai (Tedim, Tan 10) te ahi uh hi.
2019-2020 laisin kum a Tan 10 gualzo sangnaupangte mark pen kila thei nailo a, a kilak theih hun ding leh bangci kilak theih ding cih pen kumpi lam pan hong zasak kik ding hi ung, ci-in kumpi lam thunei U Moe Myint Kyaw in gen hi.
Rakhine State, Sittwe khuapi ah COVID-19 natna a nasiat kik vatna tungtawn in amau ut thu leh kipum piakna in a pai ahi Cidamna lam nasem mimal 20 val te August 23, 2020 ni-in Sittwe khuapi tungta uh ci hi.
21 Century Panlong Khawmpi a 4 veina pen August 19-21, 2020 sung Nay Pyi Taw ah a kibawl sungin Gambup thukimna khenpi 3 te lungkimna suai kai thei uh hi. Hih thukimna sungah a kihel te pen Kumpi lam, Hluttaw, Galkapte, EAOs leh Party tuamtuam panin a kikup uh ahi hi.
August 23, 2020 in State Counsellor Daw Aung San Su Kyi leh NLD party maikaite Nay Pyi Taw MICC-2 ah kimuh khopna nei uh hi. Hih ki muhkhopna pen Daw Su in Minister a sepzawh a khatvei na ci hi.
US Kumpi in US gamah Tik Tok app zatloh ding a tangkona hangin Tik Tok Company in USA Kumpi thu ka bawl ding uh hi, ci-in gen uh hi. USA gamah Tik Tok app a zang Million 175 val bang pha in Leitung bupah Billion 1 valin zang uh ci hi.
USA gam California khua ah gamkatna hangin kal khat sungin acres 1 million val bang kangtum hi, cih thu kiza hi. Gamkatna hangin inn 700 val bang kang tumin mihing 5 in sihlawh khin hi.
More: Zogam Politics khuahun
August 23, 2020 ni Leitung bupah Covid-19 natna ngah Tein 230 val(23,256,567), asi Tein 8 val (805,733) leh adam kik Tein 140 val (14,975,529) phata hi. Source : 7day news, , Eleven Media, The Myanmar Times, Taungzalat Time, Thukai khawm : Lia Lu Lun, Lia Shang Shang.
Comment piaknop aomleh...