Thupha ngah minam ~ Cin Lian Khai

Thupha ngah minam ~ Cin Lian Khai

Munhoih Thupha
Zomite khamtung ken lak ah ih ten hang in ih Biak Pasian in gelna ana nei khol gige ahi hi. Leitung Gam lian pen lak ah 2 ahi China leh India kikal ah Pasian in hong koih khinkhian ahi hi. Mun hoih tuamtuam leh Leisung sumpiangte zong na koih hi. Kawlgam leh India kizopna limlim ah Zogam ahoih pen mun ah koih hi.

Kikhenthangna Thupha
Nidang in kizopna thanemna(lack of Communication) hang in Zomite sung ah kikhenthaangna tampi om in gal leh sa in ih ki man khin zo hi. Tua ban ah Pasian thu ih up semsem nang in Milim biate khut sung ah hong koih phot hi. Ih kigawmkhop kik nang in Milim biate bawl in hong kikhenthang sak kik hi. Ahi zong in

Kigawm Kikna Thupha

ZRO/A-E
ZRO/A-Eastern Command dong in kal hongsuan pih in tuate pan a kikhenthaang Zomite hong gawm kikkik ta hi. Tua bek thamloh hihte tung tawn in suahtakna thupha hauhna thupha hong pia ding hi. Tulai Leitung Politics Huihnundan in athanem Zomite hong gum mahmah hi.

China
Leitung ah Communist gam lian pen China Kumpi in adiakdiak in asep pen sum lei sum zuakna ahi hi. One Belt One Road Economic Initiatives ci in Leilam leh Tuilam sumzuakna tawh Leitung azelh sawm uh hi. Tua asep zawh nang un Kawlgam zong a thupi mahmah mun ah hong kihel in Million tampi hong invest khin uh hi. Zogam pan ZCD Party zong thumvei hong hel khin uh hi. Maban omlai ding hi.

America leh India
Tuabang in China in Kawlgam ah investment hong bawl ciang America patau pah in Mandalay ah Sumlei sumzuakna bulpi hong nei pah uh hi.

India inzong Power Balance nang mah in Kalatan Project cihkhong hong nei pah uh hi. China in Kawlgam a Control nang Wah te azat bang in India in zong Kawlgam leh China Power a Control nang azat theih ding lem pen bel ZRA bek om hi.

Meitei te bang Independence ci gege uh ahihman in lemlo ban ah Kawlgam ah Tualsuak Minam hilo hi. Naga te zong tua ci nuam un nungdiak in Kawl Galkapten hawlkhia uh hi. ZRA in India le Myanmar kikal a policy zong lem pen hi. India inzong makaite naho pih ngei khin hi.

ZRO/A- E ten Kawlgam ah maitang hong lak uh leh Kawl galkap leh Palik te buai mahmah in India kumpi zong nahopih pah uh hi.

Abukim Thupha
Abukim thupha ih ngah nang nasem khawm ding Zomi Kipawlna kicing ta hi. CSOs/ Biakna Lam kipawlna/ Party/ Thautawi a kicing in om dimdiam khin hi.

A thupi pen ah Politics ih kimawl siam nak leh khantohna in hong delhdelh hi. Federal gam taktak ih hihciang Gunkhawm tungsiah ah Zomite haupen ding hihangh. A tom thei pen in, lungdam, Cin Lian Khai (Zogamkhaino)