Thumanna leh Cihtakna in thawl mawhna neilo

Thumanna leh Cihtakna in thawl mawhna neilo

Thuman, citak, lungsim diktat mi pen mikim in ki sang thei ciat hi. A vun mel, a kampau, awsuah, minam, gam cihte ki bat loh hang acitak, amigi mi pen mikim in ki pakta citciat se hi.

Bangzah ta in tatsia in a ngongtat galkapbute akipan Mafia gang tuamtuam makai te in a mimuan te uh pen acitak mite mah na hi sese hi.

Zuau khemna tawh ahau mi khat in zong ama pawl ding pen amah a khem ngeilo ding, a citak mi mah deih sese hi.

Thuman tak tawh nasem mikhat in zong ama lawm ding pen mi citak mah deih hi.

Tua hi a, leitung ah bang minam na hi a, bang gammi, bang khuami na hi phial zong na cihtak a, ka migit nak leh kuakua in hong pampaih theilo ding ahi hi.

Na zulhzau a, na thangtat gawp leh midangte cih thadah na innkuanpihte na ngawn in hong muang lo in, hong pawlpih vanghvangh lo ding uh hi.

Thumanna leh cihtakna pen leitung mikim in a deih uh (uniserval acceptance) ahi hi. Tua hi a, bang minam, bang khua, bang beh cih sangin a migi hiam, a thuman, a citak hiam cih in na hihna hong tel gen thei zaw hi.

Thumanna leh cihtakna khahsuah ngei kei in. (Paunak Laisiangtho) NK Khanno