US, California gamsung meikatna hangin mi 23 sikhinta, mi tultampi kihemkhia
US gamsung aom Northern California gamsung meikatna hangin mi 23 bangin sihlawhkhin a, cimawh dongtuak in aomna innpan in ataikhia zong mi tultampitak phakhin hi ci’n Fox News te’n pulakkhia uhhi.
Butte County Sheriff te’n Saturday ni in agenkhiatna ah gamsung meikatna hangin atawmpenpen mi 23 in sihlawhkhin uhhi ci’n genkhia uhhi. Asi te lakah aluanghawm aki mukhia pen luang 14 phakhinta hi. Meikatna hangin asi pawlkhat te ii aluanghawm tepen mawtaw sungah pawlkhat, innsung ah pawlkhat cihbangin kimukhia kawikawi hi.
Kumpi thunei Officials te’n agenkhiatna ah hih gamsung meikatna pen abeisa Thursday ni in California, Paradise sung aom meikuang kicih “Camp Fire” panin akipankhia cimawk hi. Tua Camp Fire panin akipankhia gamsung meikuang pen huaisialua mahmah ahih manin, tuciangciang Building innbekbek 6700 val bangin siatlawhkhin dikdek hi.
Camp Fire panin akipankhia pen kilawhzakgawp ahih manin, gamsung meikatna pen 156 Square Miles sungteng ah meikuang ziahziah hi.
Video: Fourteen additional bodies have been found in and around a Northern California town overrun by flames from a massive wildfire, bringing the death toll to 23, a California Department of Forestry and Fire Protection spokesman said on Saturday.
Southern California sungahzong gamsung meikang kipan in, Hill and Woolsey Fires meikuang hangin tuakuamsung aom mi 250,000 valte ki hemkhiading in thukipiakhin cihi. Tuakuam pen Malibu City huamsungteng hi a, Hollywood ii miminthang Celebrities tampitak aomna ahihi. Tuabangin Celebrity akihemkhia te lakah Kim Kardashian, Alyssa Milano, Lady Gaga, Rainn Wilson tezong kihel uhhi.
Gamsung meikuang pen huaisialua mahmah ahih manin United States President Donald Trump inzong Emergency tangkokhia in, Federal Fund panin meiphelhding Firefighter te huhdingzong genkhia hi. Ahi zongin tuazawh asawtlo in Federal Payment pen khawlsakkik a, ki makaihkhialhna “Gross Mismanagement” hangin hihbangin atuahsia hi ci’n genkhia kici hi.
Donald Trump pen France, Paris khuapi ah aomlaitak hi a, Federal Payment pen piaklohding in hihbangin amazat Twitter tungtawn in gelhkhia hi. “there is no reason for these massive, deadly and costly fires in California.” He added that “billions of dollars are given each year, with so many lives lost, all because of gross mismanagement of the forests. Remedy now, or no more Fed payments!”
More: California gamsung meikang pen innveng kitotna panin akihalsak cimawk
Tukum August khasung inzong California State sungah gamsung meikang huaisiatak in piangngeikhin a, tua gamsung meikang akipatna pen vengta kitotna panin inn kihalsak in akipankhia kici hi. Tutung California State gamsung meikatna zong Camp Fire panin akipankhia cimawk hi. Sawltak #zomidaily
Comment piaknop aomleh...